Neemia 13:1 - Te B'aib'ara

¹ Ao n te bong arei ngke e a warekaki ana Tua Moote n te b'anaa ae korakora nakoia aomata ni kabane, ao e a kuneaki ae a aki kariaiakaki kaain Ammon ma kaain Moaba b'a a na riki b'a a na aomata te Atua.

Neemia 13:1 Iomraidhean Croise

2.Uea 23:2

Ao i mwiina, e nako Iotia ma kaain Iuta ma Ierutarem, ma ibonga, ao taiani burabeti nakon ana Tembora te UEA. Ao ngke a bane aomata ikekei ao e a wareka Ana Boki n Tua te Atua are e kuneaki i nanon te Tembora ni kaooa b'anaana.

Neemia 13:23

Ao I kunea b'a iai tabeman Iutaia ake a tia ni mare ma ainen Atitota, Ammon, ao Moaba.

Neemia 2:10

Ma ngke a ongo Taneb'arata mai Oron ao Tobia are te mataniwi i Ammon e ongo te b'ai are e riki, ao a rangi ni maraki nanoia, i bukina b'a a aki tangira temanna b'a e na buokiia Iteraera.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Neemia 4:3

E tei Tobia are kaain Ammon i rarikin Taneb'arata ao e taku, “Ani bon noora aron aia kateitei! Tera ae a karaoia, ngkana tao e kab'aka aia atiibu aikai te kameanti ao a b'aka naba.”

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Neemia 9:3

A tei i nanon tenua te aoa n ongora n ana Tua te UEA ae te Atua, ao manga tenua riki te aoa a manga raraoma i bukin aia bure ao a taromauriia te UEA.

Itaia 34:16

Ko konaa ni kakaaea ao ni kunea n ana boki te UEA n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

Ieremia 48:1

E tuangai te UEA ae Moan te M'aaka ae Atuaia Iteraera, b'a N na kaangai nako ia kaain Moaba: Ko a reke n te kangaanga te kaawa ae Nebo; E na tauaki Kiriataim ao e na kab'ainrangaki, ao a na bon uruakaki nonona ao e na tiku n uruaki.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Warekaia Iteraera 22:5

te uea are B'araka nakon B'araam are natin Beora are e maeka i buakoia ana koraki n te kaawa are Betora i rarikin te Karaanga are Iuberetiti, ao e taku: I kainanoa am i buobuoki, A katei maeka ngkai i rarikin abau te koraki n aomata ae korakora, aika a roko mai Aikubita.

Ruka 10:26

E taku Iesu nako ina, “Tera are koreaki n te Tua? E kangaa am wareware iai?”

M'akuri 13:15

I mwin te wareware man te Tua ma burabeti, ao a kanakoa aia taeka taan taua taekan te m'aneaba nakoia B'auro ma, ae kaangai, “Mm'aane, taari, ngkana iai ami taeka ni kakorakorai naano nakoia aomata, ao kam na taetae.”

M'akuri 15:21

B'a iai ake a tataekina ana tua Mote ma ngkoangkoa i nanoni kaawa nako, ao a warekaki ana tua i nanoni m'aneaba n te Taabati ae koraki.