Neemia 12:45 - Te B'aib'ara

⁴⁵ Ao ngke a karaoa te bootaki i bukin karaoaia aomata b'a aonga n tau nakon taromaurian te Atua. Ao a karaoi tabeia taan anene ma taan tei n te tembora ni kaineti ma te kaetieti are e a tia n anganiia Tawita ma natina are Toromon.

Neemia 12:45 Iomraidhean Croise

2.Uea 7:10

Ao a okira Taamaria ao a takaarua ni waerake nakoia tautia ake a teiakina te mataroa, ao a taku, “Ti a tib'a oki man aia kaemb'a tautian Turia, ao a bane n tia n nako tautia. A akea kaain taian autinrianna, ao a boni bane n rooaki taian aoti ma taian aati. Ao bon akea naba temanna ae ti ongo b'anaana ke n nooria.”

1.Rongorongo 23:28

ana m'akuri i bukin te UEA ni buokiia ana kariki Aaron ni m'akuri n te Tembora, ni kaitiaki katawanangin nako te Tembora ao ruun naba te Tembora, ao taan tararuaia naba b'a a na bane ni itiaki b'aai nako aika a kabonganaaki i bukin te taromauri.

1.Rongorongo 26:26

Tabeia Teremota ma ana koraki bon tararuaakin taiani b'aintangira ake a tia ni katabuaki b'a a na b'ai te UEA. A reitaki naba i nanon aikai b'aintangira ake e a tia te uea are Tawita ni katabui, n reitaki naba ma ake a katabuaki irouia taani kairiiri man taiani utu, ao mataniwi n taian taanga ni buaka.

2.Rongorongo 23:6

Bon ti ibonga ma kanoan Rewi ake a tei aika a kariaiakaki n rin n te Tembora, i bukina b'a bon ti ngaiia ake a tia n ri nanon taian bootaki ni kaitiaki are a na kariaiakaki iai, Ao ake tekorakina a na tiku i tinaniku i nanon katawanangin te Tembora, n aron are e a tia ni baaireia te UEA.