Neemia 12:44 - Te B'aib'ara

⁴⁴ A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Neemia 12:44 Iomraidhean Croise

1.Rongorongo 23:28

ana m'akuri i bukin te UEA ni buokiia ana kariki Aaron ni m'akuri n te Tembora, ni kaitiaki katawanangin nako te Tembora ao ruun naba te Tembora, ao taan tararuaia naba b'a a na bane ni itiaki b'aai nako aika a kabonganaaki i bukin te taromauri.

1.Rongorongo 26:20

A anganaki tabeia kanoan Rewi ake ana koraki kanoan Kora ma Merari tabeia b'a a na tantani ni kaub'ain te Tembora ao b'aintangira ake a tia ni katabuaki b'a a na b'ai te Atua.

1.Rongorongo 9:26

Naake a b'anin raoi aia tei bon kanoan Rewi ao a kairiia taan tei ake te korakina ao tabeia tararuaan ruun nako te Tembora ao b'aai ake a kaawakinaki ikekei.

Neemia 10:36

Ti na uouoti naba ara karimoa m'aane ao karimoa aine man ara nanai ni kao ao ara nanai n tiibu man n anga nakoia taian ibonga ake a m'akuri n te Tembora, i bukina b'a bon aei te b'ai ae e koreaki n ana Tua te Atua.

Taeka n Rabakau 8:34

Nakomai nakon au auti ni katoa bong ao ongora irou. Ao ane kam na kunea te kukurei.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Warekaia Iteraera 3:10

aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

I-Rom 12:7

Ngkana te kona ni buobuoki, ao ti na i buobuoki; ao ngkana te kona n reirei ao ti na reirei.

Te Tua-Kaua 18:8

Tao a na kona n reke aia m'aane kanoan Rewi tabeman man kabonakoakin aia b'ai te utu teuana ma teuana, ao tao e aki reke irouia ake tabeman. Ma kanoan Rewi ni kabane ake a m'akuri n te tabo n taromauri, a na reke kanaia ae boraoi m'aitina i marenaia man te am'arake are man taiani karea ma b'aintangira ake a uotaki mairouia aomata.