Neemia 12:30 - Te B'aib'ara

³⁰ Ao a karaoi taian bootaki aika a kaokoro ibonga ma kanoan Rewi i bukin katabuaia, ao i mwiina, a manga karaoa naba ae aron arei i bukiia aomata ni kabane ao i bukin mataroan ma oon te kaawa.

Neemia 12:30 Iomraidhean Croise

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

1.Rongorongo 15:14

Ao a kaitiakia ibonga ma kanoan Rewi. Ao a tauraoi nakon uotakin te Atiniberita

2.Rongorongo 29:34

A bon aki tau m'aitiia ibonga i bukin kanakoan kuniia taiani man, i bukina b'a a bon m'aiti taian ibonga ake a tuai reke aia tai n ri nanon te bootaki i bukin kaitiakaia. Ma i bukina ngke a m'aiti kanoan Rewi ake a tia ni kaitiakia, a buokiia ibonga ni karokoa banen kuniia taiani man.

2.Rongorongo 29:5

ao e taku: E a bo te tai ni kaitiaka ana Tembora te UEA ae Atuaia ara bakatibu. Kam na moan nako ngkami kanoan Rewi nakon te bootaki b'a kam na kaitiakingkami, ao i mwiina kam na manga nako nakon te Tembora ao kam na kaotinakoi b'aai n kabane aika a baareka ao aika a aki tau i bukin te UEA.

Etira 6:21

A kanaki taian karea irouia aomatan Iteraera ake a oki ao irouia naba aomata ake kaain rarikiia ake a tia ni kaaki katei aika a bure, ake kateia botannaomata ake tabeua b'a a aonga ni konaa n taromauriia te UEA ae Atuaia aomatan Iteraera.

Neemia 12:29

ma ngaia are, a roko maikanne, ao ai uana naba ma kaawa aika a uarereke ake i rarikin Netob'a, Beta-Kirekara, Keeb'a, ao Atimaweta.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 13:30

Ao i mwiina, I a karaua ni kakoauaa raoi b'a a bane aomata n aki b'aina te katei ni i-anena, ao I anganiia ibonga ma kanoan Rewi tabeia.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:15

Ao e taku Moote nako ia, “Kam na riai n tauraoi nakon te bong are i mwiin te ingabong, ao kam na aki bootaki ma buumi.”

Ebera 5:1

B'a te ibonga ae kakannato e a rineaki mai buakoia raona, b'a e na m'akuri i bukin te Atua i bukiia aomata, b'a e na kakaraoi taromauri ma n anganga karea i bukini buure.

Ebera 5:3

i bukini mamarana anne, ao e bon riai b'a e na anga karea tiaki ti i bukin aia bure aomata, ma i bukin naba oin ana bure.