Neemia 12:27 - Te B'aib'ara

²⁷ Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Neemia 12:27 Iomraidhean Croise

2.Tamuera 6:12

Ao iai ae e tuanga te uea are Tawita ni kaangai, “E karaoa aei te UEA i bukina ngkai e mena te Atiniberita ni mwengan Obeta Etom.” Ngaia are, e kawaekoaa Tawita ni kawara mwengan Obeta Etom n anaa te Atiniberita ni kaokia nakon ana kaawa Tawita. Ao a bane ni kukurei aomata ni kabane.

1.Uea 8:63

ao a karean 22,000 taiani kao ao 120,000 taian tiibu b'a aia karea ni butiia te UEA ana Kakab'aia.

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

1.Rongorongo 15:12

E taku nako ia, “Taani kairiiri ngkami man te kaainga are Rewi. Bon ngkami ma ami koraki aika kam na moana te bootaki, ma ngaia ae, kam na kaitiakingkami b'a kam aonga ni nakoraoi i matan te UEA. Ao i mwiina kam na uota te Atiniberita are ana b'ai te UEA ae Atuan Iteraera nakon te tabo ae I a tia ni katauraoia i bukina.

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 15:4

E kawaekoaia naba kanoan Aaron ao kanoan Rewi. Aikai kanoan Rewi ake a roko:

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 16:5

Aia tia kairiiri bon Ataba, ao ana tia buobuoki bon Tekaria. A rineaki Ieiera, Temiramota, Ieiera, Matitia, Eriaba, Benaia, Obeta-Etom, ao te m'aane temanna ae arana Ieiera b'a taan katangi aabi ake a uarereke ao b'aai ni katangitang ake taiani karai. E katang taian timbara Ataba,

1.Rongorongo 23:5

akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

1.Rongorongo 26:31

E riki Ieriia b'a te tia kairiiri n te kaainga are Eberon. E anganna tabena Tawita n reitaki ma uoua te ngaa itibubua man ana koraki aika taani kairiiri man aia utu aika a karineaki b'a a na riki b'a taan tararuaa bootakin te aro ma ana karikirake te tautaeka n te baronga are Reuben, Kata, ao Manate Mainiku.

2.Rongorongo 29:25

I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Etira 6:16

Ao a bane ni kukurei Iteraera, taian ibonga, kanoan Rewi, ao aomata ni kabane ake a tia n oki man te kataenikaiaki, ao a bane ni bukamarua a katabuan ana Tembora te Atua.

Neemia 11:20

Ao nikiraia Iteraera, n reitaki ma ibonga ao kanoan Rewi, a maeka ni bon oin abaia ni kaawan Iuta ake tabeua.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Neemia 8:17

A bane ni karaoi katanaia aomata ni kabane ake a oki mai B'aburon. A maeka iai ma ni kukurei ni kauringa aia moan tai ni karaoa te Toa ae M'anganikaai mai i mwiin ana bong Iotua are natin Nun te m'aane.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Te Tua-Kaua 20:5

Ao e na kaangai aobitian taiani baronga: Ngkana iai mai buakomi ae e a tia ni karaoa ana auti ae boou, ae e tuai maeka iai, ao e riai n aki iri n te buaka b'a rimwi e na mate n te buaka, ao e na maekanaki ana auti are boou iroun te aomata temanna.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.