Neemia 12:25 - Te B'aib'ara

²⁵ Taan tararuai taian ruunib'ai ake i rarikin mataroan te kaawa bon Matania, Bakebukia, Obaria, Meturam, Taremon, ao Akuba.

Neemia 12:25 Iomraidhean Croise

2.Uea 7:10

Ao a okira Taamaria ao a takaarua ni waerake nakoia tautia ake a teiakina te mataroa, ao a taku, “Ti a tib'a oki man aia kaemb'a tautian Turia, ao a bane n tia n nako tautia. A akea kaain taian autinrianna, ao a boni bane n rooaki taian aoti ma taian aati. Ao bon akea naba temanna ae ti ongo b'anaana ke n nooria.”

1.Rongorongo 23:32

Bon tabeia ngkoa kaawakinan te Um'antabunrianna, ma ngkai ai manga tabeia tararuaakin te Tembora ao buokakiia ana kariki Aaron.

1.Rongorongo 26:12

A bwenauaaki taan tantani nakon taian m'akoro i aaia aia taani kairiiri n aia utu, ao a anganaki tabeia n te Tembora, n aroia kanoan Rewi ake tekorakina.

1.Rongorongo 26:15

Ao e a manga rineaki Obeta-Etom b'a te tia tantani n te Mataroa are i Maiaki, ao a rineaki natina m'aane b'a taani tantani n taian ruunib'ai.

1.Rongorongo 26:17

N te bong ae koraki ao a na tei onoman taan tantani i mainikun te Tembora, a na tei aman taan tantani n te itera are mai meang, ao aman man te itera are mai maiaki. Kakauoman taan tantani i bukin taian ruunib'ai ake uoua.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Itaia 21:8

Ao a taku taan tei “I a tia n tei n te ngaina ma te bong i aon te taua n taratara aei, te UEA.