Neemia 11:3 - Te B'aib'ara

³ Ao tabeman Iteraera, ibonga, kanoan Rewi, taani m'akuri n te tembora, ao aia kariki ana taani m'akuri Toromon a boni maeka ni bon oin abaia n te kaawa are Iuta. Ma a maeka taani kairiiri ma aia utu n te burawinti i Ierutarem.

Neemia 11:3 Iomraidhean Croise

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Etira 2:43

Aikai araia ma m'aitiia utuia taani m'akuri n te Tembora ake a oki ake a riki mairouia aomata aikai:

Etira 2:70

Ao a bane n okiri aia kaawa nako aomata man taabo ake a bon nako mai iai aia utu nako, n reitaki ma taian ibonga, kanoan Rewi, taani katangitang ao taan anene, taan teiakina te Tembora ao taani m'akuri.

Neemia 11:20

Ao nikiraia Iteraera, n reitaki ma ibonga ao kanoan Rewi, a maeka ni bon oin abaia ni kaawan Iuta ake tabeua.

Neemia 11:4

A maeka taani kairiiri ake uoman man te baronga are Iuta i Ierutarem n ikotaki ma aia koraki nako.

Neemia 7:39

Aikai m'aitiia ake a oki man utuia nako ibonga:

Neemia 7:43

Aikai m'aitiia koraki ake a oki man kanoan Rewi: itingaun ma aman ake kanoan Otewa man ana utu Ietua ao Katemiera;

Neemia 7:46

Aikai araia utuia taani m'akuri n te tembora ake a oki kanoaia nako Ierutarem:

Neemia 7:6

N bon te tai naba anne, ao I kunea rongorongoia aomata ake a moan oki nako Ierutarem man te Burawinti are B'aburon Ngke I wareki araia aomata aikai, ao I a ataia b'a ngaia a bon maeka ni bon oin aia kaawa nako,

Neemia 7:7

ao a airi ma Terub'abera uaake, Iotua, Neemia, Ataria, Raamia, Naamani, Moretekai, Biretian, Mitibereta, Bikewai, Neum, ao Baana.

Neemia 7:73

Ai ngaia are, n te kaitiua n nam'akaina, ao a maeka taiani ibonga, kanoan Rewi, taan tei n te tembora, taani katangitang, taani m'akuri ao ai bon aomata nako ni kaawan nako Iuta.