Neemia 10:37 - Te B'aib'ara

³⁷ Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Neemia 10:37 Iomraidhean Croise

2.Rongorongo 31:6

A uoti naba teuana te kabwianib'ai man aia nanai ni kao ao aia nanai n tiibu aomata man kaawan Iuta ake tabeua ao ai uana naba ma aia kabwianib'ai mani b'aai ni kabane ake a tia ni katabui b'a ana b'ai te UEA.

Neemia 13:10

I bon kunea naba b'a a tia n okiri aia m'akuri nako n aia nnenaroka tabeman taan anene ma kanoan Rewi ake tekorakina, i bukina ngke a tuai man anganganaki tib'angaia man uaan te tai.

Neemia 13:12

Ao i mwiin aei, ao a bane kaain Iuta ni uoti taian kabwianib'ai man aia uita, wain, ao aia b'aa n oriwa nakon ana ruunib'ai te tembora.

Neemia 13:5

Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Neemia 13:9

Ao i mwiina, I tua b'a e na kaitiakaki te ru ma b'ain am'arake ake b'ain te tembora, ma taian angab'ai ake taian uita, ao b'ai ni kaboiarara b'a a na manga kaokaki nako nanon te ru.

Te Otinako 13:12

ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA,

Te Otinako 13:2

“Ko na katabuia karimoa ni kabane aika nati mm'aane b'a au b'ai b'a a na riki karimoa aika m'anen Iteraera ma aia man naba aika karimoa mm'aane b'a au b'ai.”

Nakoaia Ibonga 23:17

Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Maraki 3:8

Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Warekaia Iteraera 18:15

Au b'ai karimoa mm'aane n aia utu Iteraera, ao ai arona naba ma karimoa mm'aane n aia nanai n tiibu, kooti, ao nanai ni kao, ma a na kabooaki ni kaokaki taiani karimoa mm'aane, ao karimoa mm'aane aika taian aati mai Rou.

Warekaia Iteraera 18:18

Kam kariaiakaki ni kang irikon maan aikai, n aron ae kam kona n kang rinikaokao, ao rangan taian raka ni Karea.

Warekaia Iteraera 18:21

Au b'ai 10 te betienti man uaan arokaia Iteraera, ao tebwina te betienti man aia man aika karimoa. Ma I anga baikai ni kabane nako ia kanoan Rewi b'a booia i bukin aia m'akuri are a karaoia n te Um'antabunrianna,

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

Te Tua-Kaua 14:22

Kaain Iteraera, kam na kaokoroi katebwina ni m'akoron ami uita ake kam tai ni katoa ririki.

Te Tua-Kaua 18:4

Ao i rarikin anne, a na reke naba tib'aia man moan m'akoron te tai are te uita, ao man ami moan tai naba n te wain ma b'aan te oriwa. Ao kam na anganiia naba ami moan buraentiibu ake kam koroi man ami tiibu ni katoa ririki.

Te Tua-Kaua 26:2

ao kam nang uniki arokami taiani uita ma b'aare iai. Ao ngkana kam a moana taian uaan arokami mai iai, ao kam na nnea are kam moan anaia i nanon te b'atiketi. Kam na uoti nakon te tabo are e a tia n rineia te UEA ae Atuami b'a te tabo are E na taromauriaki iai,