Neemia 10:34 - Te B'aib'ara

³⁴ Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Neemia 10:34 Iomraidhean Croise

1.Rongorongo 24:5

I bukina ngke iai taian mataniwi n te Tembora ao ibonga n taian utu aika uoua aikai, ao e a titirakina te UEA Tawita te b'ai ae e na karaoia are e na tib'aaki raoi te m'akuri i marenaia.

1.Rongorongo 24:7

Taiani kurubu nako ni ibonga a bon tannako araia ma aia tia kairiri n aia utu, ao n anganaki tib'angaia n aron aikai:

2.Rongorongo 2:3

Ao e kanakoa ana rongorongo Toromon nakon uean Turo are Iram: N taai ake ngkoa ngke e karaoa ana bareti tamau are Tawita ao ko katauraoi taiani kai aika tiira nako ina. Ao ngkai ko konaa ni karekei naba nako iu au b'ai ni m'akuri?

Etira 3:5

A anga taiani karea i bukin kakukureian te UEA, ake karea ni katoa te Toa ae Moan Otin Nam'akaina ma taiani karea ake nikiran nako ana toa te UEA. A bane taian angab'ai ake a uoti aomata n anganaki te UEA.

Neemia 11:1

Ao a maeka taani kairiiri irouia botannaomata ma aia utu i Ierutarem. Ma e ti konaa n reke nnen teuana te utu man nikiran taiani utu ake tebwina, ma ngaia are, a buubutiia te Atua b'a e na kaotia nakoia b'a antai ae e na maeka ikekei.

Neemia 13:31

I bon baaireia naba aomata b'a a na uoti taian aia i bukin te baonikarea ni katoa bong ao I baaireia naba b'a a na uoti moan m'akoron uaan aia tai nakon te Tembora. I tataro b'a e na kakab'aiaai te Atua i bukin b'aai aika a raraoi aika I a tia ni karaoi.

Taeka n Rabakau 18:18

Te kaiwa bon ngaia teuana kawain katokan taiani kangaanga.

Itaia 40:16

E na bon aki tau m'aitin taiani kao ake i aon Maungan Reb'anon i bukin te angab'ai i bukin te karea nakon te Atua, ao a na bon aki tau naba m'aitin taian aroka i bukin kanaan te ai.

Nakoaia Ibonga 24:5

Kamanenaa am buraawa ae e manti raoi ao karaoi tengaun ma uaai kariki aika kaka uoua te kiiro rawawataia

Nakoaia Ibonga 24:6

ao uoti nako nanon te Um'antabunrianna, ao kawenei n uoua te rinan ae kaka onoua i aon te taibora are te koora.

Warekaia Iteraera 28:2

b'a e na kaangai nako ia Iteraera: Kam na anga ami karea nako Iu n ami tai n taromauri ake a tia n rineaki, b'a I aonga n aroka bubun te karea ao I kukurei iai.

M'akuri 1:26

Ao a kakaaea n te aro ni kaiwa b'a antai ae na rineaki i rouia, ao e reke b'a Matia; ao e warekaki b'a raoia taan tuatua ake tengauni ma temanna.

Iotua 9:27

Ma e bon karikiia naba b'a aia toro, b'a taan koroaia, ao taan uraki ran i bukiia Iteraera ao i bukin baonikarean te UEA. Ao e a riki b'a aia taan m'akuri I-Kibeon ni karokoa boong aikai, n taabo ike E rineia te UEA b'a e na taromauriaki iai.