Neemia 10:32 - Te B'aib'ara

³² Ti na angaanga ara anganano ngaira aikai n tatabemaniira nako ni katoa ririki aika teutana te tirewa nakon ana Tembora Atuara.

Neemia 10:32 Iomraidhean Croise

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

1.Rongorongo 26:27

N taai nako are a reke iai b'ai aika a rangi ni boongana i nanon te buaka, ao a uoti m'aane aikai tabeua nakon te Tembora.

Neemia 13:15

I ataa naba te b'ai ae a karaoia kaain Iuta n te Taabati. A aki ti kamanti kureebe i bukin karekean te wain, ma a bon taia naba uaan te uita, te kureebe, te biiku, ao uaan aroka ake tabeua, ao i mwiina, a katokai i aon taian aati ma ni kabooi nako i Ierutarem. Ma ngaia are, I kauringiia b'a a na aki kabooi nako am'arake n te Taabati.

Neemia 13:18

E bon aki katuaaira ngkoa te Atua i bukina ngke a karaoa naba ae ai aron aei ara bakatibu? Ao ngkai ti a manga rangi ni kauna naba te Atua ni kabuakaka ana Taabati!”

Neemia 13:21

Ma I kauringiia ni kaangai, “Ngkana kam a manga karaoa riki aei, ao N na katikingkami ni karabuutiningkami.” Ao man te tai anne, ao a aki manga oki n roko n te Taabati.

Neemia 5:10

I bon anga naba te m'ane ao te uita ngai ma au koraki ao raoraou, ma ti na aki tangira boona.

Neemia 9:14

Ko mwiokoia b'a a na karinea te Taabati ae e tabu, Ko reireina am toro are Moote b'a e na reireiniia am tua.

Te Otinako 23:11

ma kamotirawaa te aba n te kaitiua n ririki. A na am'arake aomata aika maiu ni kainano man ami tawaana, ao katikui nikirana nakoia maan aika aki manana.

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.