Neemia 1:8 - Te B'aib'ara

⁸ I butiiko b'a Ko na uringa te berita are Ko karaoia ngkoa nakon Moote. Ko tuangnga ngkoa b'a ngkana ti aki kakaonimaki, ao Ko na kamaenikuniira i buakoia botannaomata ake ianena.

Neemia 1:8 Iomraidhean Croise

Taian Areru 119:49

Uringa te baere Ko a tia n taku nako iu, ngai ae am Toro, b'a Ko na karaoia; ngaia ae I mwiokoia.

Etekiera 22:15

N na kamaenakoingkami i buakoia botannaomata n te aonnaba ao N na karokoa n tokina ami kawai ni kabane.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Ruka 1:72

B'a E na kaota te nanoanga nakoia ara bakatibu; ao b'a E na uringa ana berita are raoiroi,

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.