Neemia 1:1 - Te B'aib'ara

¹ Bon Neemia ngai ae natin Akaria te m'aane, ao I koroi ni kabane taekan b'aai ake I a tia ni karaoi n te boki aei. Inanon te nam'akaina are Kitirewi n ana kauabwi n ririki Atatokititi n tautaekana Botia, I maeka n ana kaawa ae e buubura are e nonoaki are Tuta.

Neemia 1:1 Iomraidhean Croise

Etira 10:9

I mwiin tenua te bong, n te kauabwi ni bong n te karuaiwa n nam'akaina, A bane n roko i Ierutarem aomata mai Iuta ao Beniamin ao a tekateka ni katawanangin te Tembora. Bon te kabowi ae e aki manikangare b'a a tekateka i aan te karau ikekei, ma n ruru ni mariri.

Etira 7:7

Ao a raona Etira n nako Ierutarem Iutaia ake tekorakina, n ikotaki ma ibonga, kanoan Rewi, taani katangitang, taan teiakina te Tembora, ao taani m'akuri. E riki aei n ana kaitiua n ririki Atatokititi n uea.

Neemia 10:1

Ngkai te koowana ngai, ao ngai ae n na karaoa te boraraoi ma Tetekia ao ibonga aikai:

Neemia 2:1

I nanon te nam'akaina ae Nitan i nanon ana kauabwi n ririki Atatokititi ni uea, ao I touatina nimana te wain, n aron are I a bon tia ni kaakaraoia mai m'aaina. Ma bon aio te moan tai ae I a tib'a taraa n nanokawaki iai i matana.

Neemia 5:14

Bon te kowana ngai i aon Iuta man ana kauabwi n ririki ni uea Atatokititi ni karokoa te katenibwi ma uoua n ririki. Ao i nanon ririki aika tebwi ma uoua aikai, ao I rawa ngai ma au koraki ni kang am'arake ake kanan te koowana.

Etita 1:2

Uean Botia are Keatiti e maeka n atuun kaawan ana tautaeka are Tutian, ao e tautaekan burawinti aika 127 mai Inria ni karokoa Itiobia.

Etita 3:15

Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Taniera 8:2

I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

Tekaria 7:1

Ni kaauan bongin Kitirewi, n te karuaiwa n nam'akaina n ana kaaua n ririki n uea Taraiati i aon Botia, ao E taetae te UEA nako iu.