Naum 3:7 - Te B'aib'ara

⁷ A na bane ni kararoako ake a noriko. Ane a na kaangai, ‘E na uruaki Ninewe. Antai ae e na kan nanoangaia? Antai ae na kan kabebetea nanona?’ ”

Naum 3:7 Iomraidhean Croise

Itaia 51:19

Ko a tia n uruaki n te buaka ao te rongo; I a aki konaa n anganiko karauan nanom.

Ieremia 15:5

Kaain Ierutarem, antai ae e na nanoangaingkami? Iai ae e na titirakiningkami b'a kam uara?

Ieremia 50:18

Boni Ngai te UEA ae Moan te M'aaka, ae Atuaia Iteraera, ae I katuaaea uean Aturia, ao N na bon katuaaea naba uean B'aburon.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

Naum 1:1

Aio rongorongon Ninewe ake a reke iroun Naum n te mii. E maeka Naum n te kaawa ae Erekoti.

Teb'ania 2:13

E na kam'akura m'akana te UEA ni kamaunaia i Aturia. E na karika kaawan Ninewe b'a te tabo ae akea te maiu iai, te rereua ae akea te ran iai.

Warekaia Iteraera 16:34

Ao nikiraia Iteraera a ongo b'anaaia uakekei ngke a takaarua, ma ngaia are, a manga birinako naba, ao a takaarua, ao a taku, “Ti a boni maaku n te b'ai anne ngkana e a manga riki nako ira?”

Te Kaotioti 18:10

A na tei mai kiraroa, b'a a maaku ni marakina; ao a na kaangai, “Ai kaawa ra, ai kaawa ra, te kaawa are kakannato are B'aburon! are te kaawa are korakora! B'a e roko motikan taekam n te aoa ae ti teuana.”