Naum 3:18 - Te B'aib'ara

¹⁸ Te Emberoa n Aturia, a mate am mataniwi, ao a matunako am aomata aika a kakannato n aki manga uti. A uamaae nako am aomata i aon maunga, ao akea temanna ae e na kaokiia riki nakon mwengaia.

Naum 3:18 Iomraidhean Croise

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Itaia 13:14

A na bane ni biri nakoni mwengaia aomata nako, kaanga aron birin te ria ae e kakioaki, ao tiibu aika a uamaae nako ngkana akea te tia kaawakin tiibu.

Itaia 47:1

Te Kaawa ae e buubura ae B'aburon, ko rangi ni maraurau ao ko ubu, ma ko na bitaki. Kaaki m'aakam ni uea ao tekateka i aon te baareka.

Ieremia 50:18

Boni Ngai te UEA ae Moan te M'aaka, ae Atuaia Iteraera, ae I katuaaea uean Aturia, ao N na bon katuaaea naba uean B'aburon.

Ieremia 51:39

Ao ngkai a kaman baki N na anganiia te baka n am'arake. A na bootaki ni kukurei, a na koro ni manging, ao i mwiina, a na b'aka ni matu, ao a na aki manga uti!

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Te Kaotioti 6:15

Ao uean aonnaba, ma ake a kakannato, ma ake mataniwi n taanga ni buaka, ma ake a kaub'ai, ma ake a korakora, ma tooro ni kabaneia, ma inaomata ni kabaneia, a karabaia i nanoni b'angani matang ao i buakon atibu aika totoa i aoni maunga;