Naum 3:10 - Te B'aib'ara

¹⁰ Ma e ngae n anne, ao a boni bane n uotaki nako naba kaain Teebe nakon te kataenikaiaki. A oroia ataei ni uaa mateia ni katawanangin nanon te kaawa. A kabaeaki n taurekereke taani kairiri, ma n tib'aaki nakoia taani kairiia taenikai.

Naum 3:10 Iomraidhean Croise

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

Iobi 6:27

Ane kam na karaoa te katekeraoi i aoia ataei aika akea aia karo i bukin anaakia b'a ami toro, ao kam na karekea kaub'aimi mairouia raoraomi ni koaua!

Taian Areru 137:8

B'aburon, ko nang uruaki. E a kab'aia ane kaboa nakoim mwin am bure are ko karaoia nakoira:

Taian Areru 137:9

Ane e anaia am merimeri ni boi ketaia i aon te b'a.

Taian Areru 149:8

A na kabaeia aia uea n taurekereke, ao aia mataniwi ni b'ai ni kabaebae aika biiti;

Itaia 13:16

Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 19:4

N na kaakiia kaain Aikubita i aani m'aakan te uea ae e iowawa ae akea ana Tangira. I a tia ni berita n aei Ngai ae te UEA ae Moan te M'aaka.”

Itaia 20:4

A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

Etekiera 29:7

Ngke a kaaenakoi baiia b'a a na kakaaea buokaia mairoum, ao ngkoe ko kam'aotoua nakon uam'akoro, ma n korei anganibaiia ma ni kab'akaia.

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Ioera 3:3

ma ni kemboronna ni kakaaea b'a antai ae e na reke i rouna au aomata; a kabonakoia ataeinim'aane ma ataeinaine i bukin kabooaia ainen matawa ao te wain.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Ob'aria 1:11

Ko matakuakina tarim ngke e niniaki ao n urubekeaki ana tabo irouia ana kairiribai. Ai aron ae raoia naba ianena ngkoe ake a uotii nako kaub'ain Ierutarem man tib'atib'ai aoia.