Naum 2:4 - Te B'aib'ara

⁴ A biriaitua aia kaa ni buaka, i nanon kawain nuukan te kaawa. A ura kaanga tooti. A kia n ai aron te iti.

Naum 2:4 Iomraidhean Croise

Taeka n Rabakau 31:21

A b'ainiia ana utu ni kunnikai aika a abue, ai ngaia are, e aki raraoma ngkana e roko tain te tinoo.

Itaia 37:24

Ko karaoia am mataniwi b'a a na kabuakakaai, Ngai ae te UEA. Ao aei te b'ai are ko taekinna bon i bukim, “I kairiia au kaanibuaka nako aon te kabanea n rietaata ni maungan nako Reb'anon. I rinnako i buakon buakonikaina, ma ni koroi tiirana ao m'aiangona aika taiani kabanea n raoiroi.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 46:9

Waaki nako Aikubita ni karaoa ane ko taku. Tuangiia am kaanibuaka ao am taan toka i aoia aoti b'a a na buaka ni kakorakoraia. Tuangiia am taanga ni buaka b'a a na oti nako, ma kaain Itiobia ao kaain Ribia aika a uouoti aia otanga, ao kaain Ritia aika a uakainikatebe ao kanoanikatebe.

Etekiera 23:24

A na roko aia taanga ni buaka ae e korakora mai meaang ma kaa ni buaka ao kaa ni m'am'ananga aika a uoti b'ai ni buaka. A na karin taian otanga ao taiani b'ara ni buaka ao a na katobibiko ao N na karaoia b'a a na motikii taekam ao a na katuaaeako ni kaineti ma oin aia tua nako.

Etekiera 26:10

E na anai tabeman ana aoti aika a m'aiti ni kabubua rake iai aontano kaanga te mabubu ae e matenten. Ao e na bon ruru naba te oo ngkana a roko ana kaa ni buaka ao taan buaka i aoia aoti, ai moara riki ngkana e rin n urua ami kaawa ma te kakatonga.

Etekiera 26:7

Uean B'aburon are Nebukaneta bon uean aonnaba ae e korakora, N na kanakoa b'a e na buakaniko. E na m'ananga mai meaang ma ana taanga ni buaka ae e korakora, n reitaki ma ana aoti ao a na kaa ni buaka ma ana taanga ni buaka i aoia aoti.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.