Naum 2:3 - Te B'aib'ara

³ Tautia aika kairiribai a uouoti otangaia aika a uraura, ma aia kaboraoi aika a uraura. A tauraoi nakon te buaka! a ura aia kanibuaka n ai aron te ai! A ewewe aia aoti ni kakatauraoi.

Naum 2:3 Iomraidhean Croise

Iobi 39:23

A kekeruatai ma n raaitiiti i aan ootan taai b'aai ni buaka ake e uoti te tia toka i aon te aoti.

Taian Areru 80:13

A toubekai aoia n ai aroia beeki ngkana a toubekai b'aai, Ao a urubekei n ai aroia maan aika aki manana ngkana a uru-b'ai.

Itaia 14:8

A kukurei Uean B'aburon a karaoa naba aia baka ni kukurei taian aroka naba aika taiani m'aiango ao tiiran Reb'anon ao a taku, Ti kaeinakoaki ngkoa, ma akea ae e roko ni korokoroira.”

Etekiera 23:24

A na roko aia taanga ni buaka ae e korakora mai meaang ma kaa ni buaka ao kaa ni m'am'ananga aika a uoti b'ai ni buaka. A na karin taian otanga ao taiani b'ara ni buaka ao a na katobibiko ao N na karaoia b'a a na motikii taekam ao a na katuaaeako ni kaineti ma oin aia tua nako.

Etekiera 26:7

Uean B'aburon are Nebukaneta bon uean aonnaba ae e korakora, N na kanakoa b'a e na buakaniko. E na m'ananga mai meaang ma ana taanga ni buaka ae e korakora, n reitaki ma ana aoti ao a na kaa ni buaka ma ana taanga ni buaka i aoia aoti.

Naum 3:2

Kakauongo! Rebwen te kainikataere, tangin waen kaa, rebwerebwen waeia aoti, rurungaan kaanibuaka!

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Tekaria 11:2

Kam na tang, ngkami aika arokan Batian aika taian oke! E a tia ni koreaki ni kab'akaaki te buakonikai are e rangi ni matenten.

Tekaria 6:2

E katikaki te moan kaa ni buaka irouia aoti aika a uraura, ao te kauoua irouia aoti aika a roro;

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 6:4

Ao e oti nako te aoti temanna, ae uraura; ao e anganaki teuare toka i aona te kona ni karokoa te buaka i aon te aba, b'a a na i kamamate aomata; ao e anganaki te kabaang ae ab'ab'aki.