Naum 2:13 - Te B'aib'ara

¹³ E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”

Naum 2:13 Iomraidhean Croise

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 18:19

Ao e taku temanna te mataniwi n taanga ni buaka mai Aturia nakoia: “Iai ana rongorongo uean Aturia ae e kakannato nakon Etekia. Kam na titirakina Etekia b'a e aera ngkai e mwiokoia boni i rouna?

2.Uea 19:23

Ko kariaia am mataniwi b'a a na kakaewenakoai, Ngai ae te UEA. Ao aei te b'ai ae ko a tia n taekinna bon i bukim, “I kairiia au kaanibuaka nakon kabanean rietaatani maungan Reb'anon. I rinnakoa kabin buakonikaina, ma ni koroi ni kab'akai tiira ake kabanea n tamaroa, ao kaai aika m'aiango.

2.Uea 19:9

Ni bon te tai naba ae ai aron arei, ao e a ataia uean Aturia ae e nang roko Tikeraka are uean Itiobia ni buakanna. Ai ngaia are, e a kanakoa ana tia uarongorongo ma ana taeka nakon Etekia:

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Taian Areru 46:9

E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

Ieremia 21:13

Ierutarem, ko taratara nako mai aon tabukin te maunga n taraa aon taian m'arua ao ko taku b'a ko mano. Ma I un Ngai ae te UEA,

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 50:31

B'aburon, ko riai n aranaki b'a, “Te aomata ae e kamoamoa.” Ma e a tia n roko te tai are N na katuaaeko iai Ngai ae te UEA ae Moan te M'aaka.

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Etekiera 13:8

Ma ngaia ae N nang katuaaia burabeti aika a b'anga ni kewe aikai i bukin burebureaia Iteraera n aia rongorongo aika a kaairua.

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Etekiera 26:3

Aio au kauring nakoia kaain Turo i bukina ngkai a tia n anenea te anene: Bon te UEA Ngai, ao I a riki ngkai b'a ami kairiribai! N na kanakoia botannaomata b'a a na buakaniko, kaanga taian nao aika a b'aro i aon te bike.

Etekiera 28:22

ao tuangiia kaaina ni kaangai: Bon ami kairiribai Ngai ae te UEA ae te Atua! A na neboai aomata ngkana I katuaaingkami, ao a na nooria b'a I bon tabu.

Etekiera 29:10

Ngkai I a eekinakoko ma am karaanga. E na akea boonganan am botannaomata ao e na riki b'a te aba ae akea uaana ni moa man kaawan Miketora i meaang nako Atiwan i maiaki, ni karokoa tian Itiobia.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Etekiera 35:3

ao ko na kaangai nakoia: I a riki Ngai ae te UEA ae te Atua b'a ami kairiribai ngkai! Ao N na onika ami botannaomata nakon te aba ae akea manenana ae akea kanoana,

Etekiera 38:3

Bon te UEA Ngai ae te Atua ae am kairiribai,

Etekiera 39:1

Etekiera ae natin te aomata, ko na kabuakakaa Koka ao tuangnga ni kaangai: Bon te tia tautaeka ngkoe i Meteka ao Tubara, ma I a riki b'a am kairiribai Ngai ae te UEA!

Etekiera 5:8

Ngkai a na mataku botannaomata aikai ngkana I a kaaitaraingkami ni katuaaingkami

Naum 2:12

E tiringa kanana te raian ao e raebitiia nakoia buuna ma bunna; e kanoaa b'angana n iriko aika a raebitiaki.

Naum 3:1

Te mate tokin te kaawa ae te tia kewe, ao te tia tiritiri, ae e kaub'ai ae e na manga kurib'aiaki ma n anaaki b'aina nako!

Naum 3:12

A na riki nonom nako b'a kaanga kaai aika biiku aika a tawaa uaaia. A na ioaki biiku, ao a na b'aka uaaia nako nanon wiim!

Naum 3:15

Ma bon akea uaan aika ko karaoi, b'a ko na boni kabuokaki ni uaa matem n te ai, ke n te bonibuaka. Ko na mauna nako n ai aron taian uita aika a kanaki irouia rokati. Ko kam'aitiko n ai aroia rokati!

Naum 3:5

E taku te UEA ae Moan te M'aaka; “N na katuaaeko, Ninewe! N na taekanako karabaam ni kabebeekaniko, b'a a na noriko botannaomata nako, A na nora arom ni kamamaaeaki.

Iotua 11:6

E taku te UEA nakon Iotua, “Tai maakuia, b'a N nang tiringiia nakon te ingabong i bukiia aomatan Iteraera. Kam na kaikoaki aia aoti ni kam'aukuia, ao kabuoki aia kaa ni buaka.”

Iotua 11:9

E karaoa tuangana Iotua i roun te UEA, ao e kam'aukui aia aoti ma ni kabuoki aia kaa ni buaka.