Naum 2:10 - Te B'aib'ara

¹⁰ E a uruaki Ninewe, e a rereua ao e a kamaroaa! A rannako naano; a ruru bubuaniwae, akea te korakora; a mainarake moaia aomata.

Naum 2:10 Iomraidhean Croise

Karikani B'aai 1:2

ao e tuai karaoaki aon te aonnaba, ao akea te maiu iai. E rabunaki aonnaba n te marawa ae rotongitong ma ni kakamaaku, ao E m'am'akuri Tamnein te Atua i aoni marawa.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Ieremia 30:6

E konaa ni bungia natina te mm'aane? Ao e aera ngkai I nooriia b'a a rangi ni mainarake ma n tautaua birotoia kaanga te aine ae e ariri b'a e nang bung?

Ieremia 49:23

E taku te UEA i bukin Tamateko: A a tia n ongo rongorongom ae e aki raoiroi ni kaawa aika Amata ao Arab'ata. A a tia ni bua aia kaantaninga, ao e a taoniia te nanououa kaanga ai aron naon marawa.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Ieremia 8:21

E rawawata nanou b'a a kamanatuaaki au aomata. Ao I maaku ao I tang.

Etekiera 21:7

Ngkana a titirakiniko b'a bukin tera ngkai ko ngirangira, ao tuangiia b'a iai te rongorongo ae e na tong iai ma n ruru ni maaku iai ao a na bua ninikoriami. A na riki baikai n te tai ae e aki maan. Boni Ngai ae te UEA ae I karaoa te berita aei!

Etekiera 31:15

N te bong are e mate iai te aroka aei ma n ruorikaaki nakon te aonnaba are i nano, N na tuanga te karaanga ma te raanga n ran b'a a na tanginiwenei i bukin matena. A na bane n toki raangaia taiani koburake n ran ma taiani karaanga ake i aan te aba. E na rabunaki te Maunga are Reb'anon n te rootongitong b'a kanikinaean te nanokawaki, ao a na bane n rai aroka nako n te buakonikai.

Taniera 5:6

E mainarake te uea ao e rangi ni maaku n te aro are a ruru waena.

Ioera 2:6

E kakamaaku moan norakiia.

Naum 2:2

(E nang kaoka mimitongin Iteraera te UEA, n ai arona ngkoa i m'aain kurib'aiana irouia ana kairiribai.)

Naum 3:7

A na bane ni kararoako ake a noriko. Ane a na kaangai, ‘E na uruaki Ninewe. Antai ae e na kan nanoangaia? Antai ae na kan kabebetea nanona?’ ”

Teb'ania 3:6

E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Iotua 2:11

Ao ti rootaki n te maaku n te tai are ti ongo iai baikai; ti maakui ngkami. E bon tautaeka te UEA ae Atuami i eta i karawa, ao i nano i aon te aba.

Iotua 7:5

A kakioaki tautian Iteraera i rouia tautian Ai man te mataroa ni karokoa te tabo n riko atiibu, ao e kaania teningaun ma onoman tautian Iteraera ake a mate i nanon tain kakioakiia rikaaki man te tabuki. Ao a buuang aomatan Iteraera ao a maaku.