Naum 1:6 - Te B'aib'ara

⁶ Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Naum 1:6 Iomraidhean Croise

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

Iobi 26:11

A ruru ni maaku bouani karawa ngkana E takuia.

Iobi 40:11

Nooriia aika kamoamoa, kaota unim nako ia b'a aonga ni kananorinanoia.

Iobi 9:5

E kam'aei maunga n te aro ae aki kantaningaaki, ao e kamaunai naba n unna.

Taian Areru 130:3

Ngke arona b'a Ko tau mwin ara bure, ao ai antai, ae na aki konaaki ni kabuakakaaki?

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 76:8

Ko karaoi am Moti mai karawa; A bane ni maaku aomata ao a kainab'aabu,

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 13:13

I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

B'aeb'aeti 2:3

E kamaunanakoa korakoran Iteraera i bukin unna; E rawa ni buokiira ngke a roko ara kairiribai. E urarakeira kaanga te ai, ni kamaunai b'aai ni kabane.

B'aeb'aeti 2:4

E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Etekiera 30:16

N na kaurarakea te botannaomata i Aikubita! E na taonaki n te rawawata ae e korakora te kaawa are Berutiam. E na b'aka Tebeti, ao e na rootaki n te maaku ae e korakora Membiti.

Etekiera 39:6

N na kaurarakea te aba are Mokoka ao nakoia botannaomata ake a mena i mataniwiin taari ake a taku b'a a rangi mano raoi, ma a na ataia b'a bon te UEA Ngai.

Etekiera 7:8

N na aki taotaona nanou ma ni katuaaeingkami i bukin m'akuri aika buakaka aika kam a tia ni karaoi. Kam na anganaki ae e bon riai n reke nakoimi.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Teb'ania 2:2

i m'ain ae ko ukaki nako n te ang n ai aron kunin te b'are, i m'ain rokon te bong are e na ura unin te UEA iai i aom.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”

Te Kaotioti 16:8

Ao te anera are te kaaman e kab'aroa kanoan ana boora i aon taai; ao e kariaiakaki b'a e na kabuokiia aomata ni korakoran riringana.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”