Naum 1:3 - Te B'aib'ara

³ E aki kakaiun te UEA, ao E m'aaka ao E aki toki ni katuaaia taani bure. E tei te angibuaka n te tabo are E nakonako iai te UEA; bubun waena taian nang!

Naum 1:3 Iomraidhean Croise

2.Tamuera 22:10

Ko kauki taiani karawa kaanga taian roki, ao Ko ruorikaaki ma taian nang ni buakani karawa i aani waem.

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Iobi 10:14

Ao Ko tataraai b'a Ko taku b'a n na bure, b'a Ko aonga n aki kab'ara au bure.

Iobi 38:1

Ao e taetae te UEA nakon Iobi mai buakon te angibuaka ni kaangai:

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 104:3

Ko katea mwengam i aon raan ake i etani karawa. Ko kabonganai naang b'a am kaanibuaka, Ao Ko m'am'ananga ni bain te ang.

Taian Areru 145:8

E akoi te UEA ao E nanoanga, E aki kakai un ao E bati ana tangira.

Taian Areru 147:5

E kakannato ara Uea ao E korakora; akea tokin ana atatai.

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Taniera 7:13

I nanon mitaraeakinan baikai n te tairiki anne, I noora kaanga taraan natin te aomata Ao e tabe ni kawarai, ao e katobibiaki n taian nang, ao e nakon Teuare e maiu n akea tokina ao e tei i matana.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Iakobo 1:19

Tariu aika kam tangiraki, kam na ata aei: a riai aomata nako n aki tab'ara n ongora, a na aki waekoa ni kan taetae, ao a na aki kakai un;

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.