Naum 1:15 - Te B'aib'ara

¹⁵ Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Naum 1:15 Iomraidhean Croise

Taian Areru 107:15

A riai ni kamoamoa te UEA i bukin ana ataataiaomata, Ao i bukini baike a kamimii ake E karaoi i bukiia.

Taian Areru 107:8

A riai ni katituaraoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Itaia 41:27

Boni Ngai ae e moan tuangiia Iteraera ni kaangai, “Nooria, e a koro bukina!” Bon te moan Ngai ni katanoataa te rongorongo ae e raoiroi aei nakon Tion.

Itaia 42:11

Tuangiia baronga akana n te rereua ao aomata akana i aon taiani maunga b'a a na bootaki ni kukurei ao n anene.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Nakoaia Ibonga 23:2

b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai.

Nakoaia Ibonga 23:4

Tataekin tooa aikai n taia.

Naum 1:14

Aio baireaia kaain Aturia iroun te UEA, “A na akea aia kariki, are a na kateimatoai araia n rooro rimwi. N na kab'akai aia bouannanti ake i nanon temboran atuaia ni kewe. I a katauraoa ngkai ruanimateia kaain Aturia-a aki katauaki b'a a na maiu!”

Ruka 2:10

Ao e taku te anera nako ia, “Tai maaku; b'a noria, iai irou te rongorongo ae raoiroi are e na karika te kim'areirei irouia aomata ni kabaneia;

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”