Naum 1:12 - Te B'aib'ara

¹² Aio ana taeka te UEA nakoia ana aomata aika Iteraera: “E ngae ngke e korakora Aturia mani m'aiti ana aomata, a na boni b'aka mani mauna nako.” Au aomata, I bati ni karawawataingkami, ma N na bon aki manga karaoa riki aei nakoimi.

Naum 1:12 Iomraidhean Croise

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Uea 19:37

N te tai teuana e taromauri n ana tembora antina are Nitiroka, ao e a tiringaki irouia natina m'aane ake Aterammereka ao Tiaretera n aia kabaang. A biri nakon te aba are Ararata, ao e uea i mwiina natina te m'aane are Etaraaton.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Itaia 7:20

E na kabooa uean Aturia te UEA b'a e na uota te m'ariro ri aon te Karaanga are Euberetiti ao e na koromaraingkami ao n iman buraen rab'atami ni kabane, n reitaki ma te buai.

Itaia 8:8

A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Taniera 11:10

A katauraoi nakon te buaka natiia uean Tuuria m'aane, ao a boota aia taanga ni buaka ae e korakora. Teuana mai buakona e na oro ni kaitiaki n ai aron te ieka ma ni buakana aia nono.

Ioera 2:19

Ao E taku ngke E kaekai aia tataro, “N na anganingkami te uita, te wain ao b'aan te oriwa ae e tau, ni katoka kainanomi. N na aki manga anga ngkami b'a kam na kab'ainrangaki irouia botannaomata.

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Te Kaotioti 7:16

Ane a na aki manga baki, ao a na aki manga taka; ao e na aki manga riringa taai i aoia, ao a na aki rotaki ni kabuebuena;