Naum 1:10 - Te B'aib'ara

¹⁰ Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Naum 1:10 Iomraidhean Croise

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

Taian Areru 118:12

A otab'aniniai n ai aroia manibeeru, ma a waekoa n toki eeia ni bane; ngkai E buokai te UEA n ekianako nako ni m'akana.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Te Otinako 15:7

Ko tewenakoia am kairiribai ni mimitongin am tokanikai; ao e tii nako uran unim ni kabuokiia n ai aron te uteute ae m'au.

Te Otinako 5:12

Ao a nakonako toro i aon Aikubita ni kabutaa ni kakaaea te uteute.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 47:14

Bon akea te b'ai ae a konaa ni karaoia aomata aika a onimakini taian itoi kaanga taian uteute i nanon te ai ae e ura. Bon akea naba ae e konaa ni kateimatoa n aangnga, i rarikin te ai ae e ti am'arake ma n te uteute.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Itaia 9:18

E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Ieremia 51:39

Ao ngkai a kaman baki N na anganiia te baka n am'arake. A na bootaki ni kukurei, a na koro ni manging, ao i mwiina, a na b'aka ni matu, ao a na aki manga uti!

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Naum 3:11

Ninewe, ko na b'aka naba n ai aron te aomata ae e koro ni manging. Ko na aki kona ni birinako mairouia am kairiribai.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.