Mika 7:8 - Te B'aib'ara

⁸ Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.

Mika 7:8 Iomraidhean Croise

Iobi 31:29

I bon tuai man kukurei ngkana a karawawataaki au kairiribai, ke ni kukurei ngkana a kaaitibo ma te kangaanga.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 143:3

E kaeai te tia ribaai, ao I rawata ni b'ainikirinaki i rouna. E katukai n te tabo ae roo, ao I riki n ai aroia ake a kamani mate.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 35:19

Tai kariaia taan ribaai, ake taani kewe, b'a a na ngareakinai; Ao a na tai katou mataia aiau akana akea bukin riribaakiu irouia.

Taian Areru 37:21

E tatangob'ai te aomata ae buakaka, ao e aki kakaoki; ma e tituaraoi te aomata ae e raoiroi, ao akea tokin ana angaanga.

Taian Areru 37:24

Ngkana e tata nako, ao e na aki b'aka. B'a E na taua baina te UEA.

Taian Areru 38:16

Tai kariaia taan ribaai b'a a na ngareakinai; ke a na kamoamoa ngkana iai te kabuanib'ai ae riki nako iu.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Itaia 2:5

Kaain Iteraera, ti na maiu n ootan te UEA.

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Ieremia 48:27

Kam b'ainingareia Au aomata ao kam karaoia b'a kaanga buure aika a reke ni karaoa te m'akuri.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 8:4

E taku te UEA: Kaain Ierutarem, kam na manga teirake ngkana kam tatanako ma ni b'aka, ao ngkana e bure kawaimi, kam na manga rairaki n oki.

Etekiera 25:6

Kam ribaa Iteraera ao kam ubouboi baimi ao n tatakarua mani booa ami bootaki ni kukurei.

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Ob'aria 1:12

Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.I-Korinto 4:9

ti b'ainikirinaki, ma ti aki kitanaki; ti kab'akaki, ma ti aki kamateaki;

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.