Mika 7:3 - Te B'aib'ara

³ A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Mika 7:3 Iomraidhean Croise

Taeka n Rabakau 16:30

Ngkana iai ae e kakoea matana ke n tenatenai wiina mai akuum, ao e a kaan roko te kangaanga.

Taeka n Rabakau 17:23

A kariaia te kamaraato ae e karabaaki aika a aonikai b'a e aonga n aki karaoaki te eti.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Ieremia 3:5

kam butiai b'a N na katoka uniu, ma kam aki katoka karaoan te bure.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Etekiera 22:6

A kabonganai oin m'aakaia taani kairiiri n tiritiri.

Etekiera 34:21

Kam a tia ni kamanenai koromi aika a korakora ngkami aika kam korakora ni kakioia nako aika a mamaara,

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Otea 4:18

Kam manging, ao i mwiina kam matu ma taian ainen matawa; Kam aki tau ni kaira te maiu ae e raoiroi. b'a e buakaka maiumi.

Otea 7:3

E rangi ni kukurei te uea ma ana mataniwi nako n aia bure ma aia b'anganikewe.

Amota 5:12

Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

Mika 2:8

E kaekaia te UEA, “Kam buakaniia au Aomata n ai aroia kairiribai. A taku m'aane tabem'aang b'a a maiu b'a a okirii mwengaia ma te rau, i mwiin buakaia ma aia kairiribai. Ma ngaia ko a manga anai aia kunnikai b'a kakoaua i bukin aia taarau iroum.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 3:2

ma ngaia kam tangira te bure ao kam riba te raoiroi. Kam kuoti kuniia au Aomata ngke a boni maiu, ao kam taeki irikoia man riia.

Mataio 26:15

ao e kangai, “Tera ae kam na anganai ngkana I kam'anea Iesu nako imi?” Ao a anganna 30 te m'ane ae te tirewa.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.