Mika 7:18 - Te B'aib'ara

¹⁸ Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mika 7:18 Iomraidhean Croise

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

2.Rongorongo 30:9

ane a na kaota te nanoanga ami kairiribai ake a tauia ami utu ao ane a na kaokiia nakon mwengaia. E akoi te UEA ae te Atua ao e nanoanga, ngkana kam tanrikaaki nako ina, ao E na bon aki tannako mairoumi.

2.Rongorongo 6:21

Bon am toro ngai, ao bon am b'ai Iteraera, ma ngaia are, ngkana iai maibuakora ae e kaaitaraa am Tembora man tataro, ao ko na kaeka mani mwengam i karawa ao kab'arai ara bure.

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taian Areru 103:13

Aron te karo n ataataiaomata nakoia natina, Ao ai aron naba te UEA n ataataiaomata nakoia akana karinea.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 65:3

i bukin aia bure. Ti a aki konai moan ara bure, Ma Ko boni kab'arai naba.

Taian Areru 65:4

A kab'aia aomata ake Ko rineia, ake Ko kairiia b'a a na maeka i nanon on am Tembora. Ti na rauaki ni baika raraoi aika b'ain am Auti, are taiani kakab'aia i bukin am Tembora are Tabu.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taian Areru 89:6

Te UEA, akea n ai arom i karawa; akea i buakoia kaaini karawa ae ti te bo ma Ngkoe.

Taian Areru 89:8

Te UEA ae te Atua are Moan te M'aaka, akea n ai arom ni korakora; te UEA, Ko kakaonimaki ni b'aai nako.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Itaia 40:18

Antai ae e na kabootauaki ma te Atua? iai te b'ai ae ai arona?

Itaia 40:25

E titiraki te Atua ae tabu, “Antai ae e kabootaua ma Ngai? Bon iai ae e boraoi ma Ngai?”

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 57:10

E ngae ngke kam a bon kakuaingkami ni kakiokioia taian bouannanti, ma kam bon rawa naba n toki. A rangi ni korakora nanomi n te aro are kam bon waaki nako naba.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 62:5

A na abana te aba ami aomata, kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 3:5

kam butiai b'a N na katoka uniu, ma kam aki katoka karaoan te bure.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Ieremia 33:8

A bure ao a kakaitaraai, ma N na kab'arai aia bure ma ni uoti nako aia kaairua.

Ieremia 38:8

Ma ngaia are, e nako ikekei Ebetemereka ao e taku nakon te uea,

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Etekiera 18:23

I bon aki tangiria n tarataraia aomata aika a buakaka ngkana a mate. I tangiria b'a N na nooria n rairaki man aia bure nako ma ni maiu.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 33:16

A na kab'araaki buren aia kairua ake ngkoa, ao a na maiu b'a a tia ni karaoa ae raoiroi.

Taniera 9:9

Ko akoi ao Ko kakab'arabure, e ngae ngke ti aki toki ni kakaaitarako.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Amota 7:8

Ao E kataetaeai, “Tera ae ko nooria?” Ao I kaangai, “te kora ni kaeti.” Ao E taku, “I kamanena te baei ni katereterea b'a ti te bo Au aomata ma aron te o ae e aki tei n eti raoi. Ma ngaia ae N na bon aki manga bita nanou i bukin oreaia.

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Mika 2:12

Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

Ruka 15:32

E riai b'a ti na kim'areirei ao ti na kukurei, b'a e mate tarim aei, ao e a manga uti; e bua ao e a manga reke.”

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

I-Rom 11:4

Ma e kangaa ana taeka te Atua nakoina? E kaangai, “Iai au aomata aika 7,000 aika I katikuia, aika a aki taromauria B'aara.”

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.