Mika 7:17 - Te B'aib'ara

¹⁷ A na kawakawa i nanon bubun aontano kaanga aroia naeta; A na rurubenebene ni maaku ngkana a otinako man aia nono. A na rairaki ma te maaku nakon te UEA ae Atuara.

Mika 7:17 Iomraidhean Croise

2.Tamuera 22:46

E a tia ni mauna nako korakoran nanoia ao a roko ma te ruru man aia nono nako.

2.Rongorongo 17:10

Ao a maaka m'aakan te Atua botannaomata ake i rarikin Iuta, ma ngaia are, bon akea mairouia ae e buakana Ieotiab'ata.

Taian Areru 18:45

A kerikaaki korakoraia, ao a roko man ruru man aia nono.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 72:9

Ane a na bobaraaki i matana ni karinea akana maeka n te rereua; Ane a na tae aia kai taan ribaia.

Taian Areru 9:20

Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.

Itaia 25:3

Ao ngkai a nang maakuko ma ni karineko botannaomata aika a korakora ma ni iowawa.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 64:2

Riiki b'a te kia are e kauraa te ai are e na kaburoa te ran. Ao i mwiina, ane a na ataiko iai am kairiribai b'a te aeka n aomata raa ngkoe; ane a na bane n ruru aomata nako i bukina b'a ko raroa nako.

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Itaia 7:19

A na tekateka n taabo nako—i nanon taiani m'arua aika a nano ao i marenan taiani b'a, i aon taiani buakoako ao i nanon taian aba n uteute.

Ieremia 16:16

Ma n te tai aei, N na kanako ia kairiribai ake a na raweingkami kaanga te ika ma ni kam'aneingkami kaanga maan aika a aki manana i aon taian tabuki ao taian nangananga ni b'aa.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

B'aeb'aeti 3:29

Ti bon riai ni boobaraaki ni karinea, b'a bon iai te kaantaninga i rouna.

Tekaria 14:5

Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.

Iotua 9:24

Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 14:11

Ao a tei i oin te tabuki Ionatan ma ana tautia n te tabo ike a nooraki raoi iai i rouia kaain Biritia. Ao a taku kaain Biritia, “Ao bon nooriia Iteraera aika bon te akea uaaia b'a a tia n otinako man te b'angab'anga ike a karabaia iai.”