Mika 7:16 - Te B'aib'ara

¹⁶ A na noora korakoram ni baikai botannaomata, ao a na ataia iai b'a a bon aki koro bukin aia iango. A na kaini wiia, ao a na bonoti taningaia.

Mika 7:16 Iomraidhean Croise

Iobi 21:5

Ani bon taraai. Ko na bon mimi ma ni kubanako.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Taian Areru 126:2

Ti ngarengare, ao ti anene ni kim'areirei! Ao a kaangai taekara irouia botannaomata, “E karaoi baika ab'ab'aki te UEA i bukiia ana aomata.”

Taeka n Rabakau 30:32

Ngkana ko nanobaba ni kamoamoako ke ko babaairei aron b'aai aika a buakaka, ao katokia ngkai!

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Etekiera 38:23

N na karaoi baikai ni kaotia nakon te aonnaba b'a bon te UEA Ngai ae I tabu.

Mika 3:7

A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Tekaria 12:9

I a tia ni iangoia b'a N na kamaunaia botannaomata nako ake a buakana Ierutarem.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”