Mika 7:15 - Te B'aib'ara

¹⁵ Karaoi kakai nakoira te UEA, n ai aron are Ko kakaraoi ni boong ake Ko kaotinakoira iai mai Aikubita.

Mika 7:15 Iomraidhean Croise

Taian Areru 68:22

E kaangai ana taeka te Uea, “N na kaokiia ami kairiribai mai Batian; N na kaokiia mai kabini marawa,

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 34:10

E taku te UEA: I berita b'a N na karaoa te kakai i bukimi ae kam tuai man noonoria n taabo tabeua n te aonnaba aei. A na tei ni maaku botannaomata aika i rarikira ma n ataia b'a bon Ngai ae I karaoi b'aai aika kakai aikai.

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?