Mika 7:14 - Te B'aib'ara

¹⁴ Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Mika 7:14 Iomraidhean Croise

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 143:5

I uringi boong aika nako; I iaiangoi am m'akuri ma b'aai ni kabane ake Ko karaoi, ao i kaaki n au iango am m'akuri ni kabane.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Te Otinako 33:16

Ma ngkana Ko iriira, ao a na bane n ataia aomata b'a Ko kukurei i rouia am aomata ao Ngai, ao n aron are ti na kaokoro iai ma aomatan nako te aonnaba.”

Ana Anene Toromon 4:1

Raou ae e tangiraki, ko rangi ni kantangiraki irou, i aon te taatangiraki ngkana I taratara mai aan rabunan matam, ao ti te bo matam ma matan te taobe. A tiotio iran atuum kaanga kakateken taiani kooti aika a roko mai Kireata.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 37:24

Ko karaoia am mataniwi b'a a na kabuakakaai, Ngai ae te UEA. Ao aei te b'ai are ko taekinna bon i bukim, “I kairiia au kaanibuaka nako aon te kabanea n rietaata ni maungan nako Reb'anon. I rinnako i buakon buakonikaina, ma ni koroi tiirana ao m'aiangona aika taiani kabanea n raoiroi.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Ieremia 49:31

Bon akea oon ami kaawa aika a buubura ao bon akea kaain rarikimi aika a na konaa ni buokingkami, ao ae kam bon iangoia naba b'a kam mano ma ngaia ae, I tuangnga b'a e na buaka.

B'aeb'aeti 1:7

Ngkami aika kaain Ierutarem, kam na uringi b'aai aika a tamaroa ni boong aika a b'akanako. Ngke e b'aka irouia ana kairiribai ao bon akea ae kani buokia. Ao a ngareakinna ana kairiribai ngke e a konaaki.

B'aeb'aeti 5:21

Ko na kaokiira nakoim te UEA! Ko na kaokiira! Manga kaoki kakannatora ake ngkoa.

Etekiera 36:11

A na bungiaki naati, ao a na bungi natiia naba maan. Ko na aki manga kiitanaki n arom ngkai, ma ko na onrake irouia aomata ao e na karaoaki ae e raoiroi nakoim nakon ake mai m'aaina. Ao ane ko na ataia iai b'a bon te UEA Ngai.

Nakoaia Ibonga 27:32

Ngkana kam wareki ami mannikiba ma ami nanai ni man aika kawakawa, ao ngkanne temanna man tengaun akana a tib'a bungiaki e tabu ao bon au b'ai,

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Ob'aria 1:19

“A na aban aaba ake i maiaki ake i Etom aomatan Iuta; ao a na aban aaba ake i maeao ake i Biritia aomatan aaba ake a aoraoi ma n rinano A na aban aaba ake i Meang ake i Eberaim ma Tamaria aomatan Iteraera; A na aban aaba ake i mainiku ake i Kireata kanoan Beniamin.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Teb'ania 3:13

Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.

Tekaria 10:10

N na kaokiia nakon mwengaia mai Aikubita ao Aturia, ao N na katekatekaia ni karokoa Kireata ma Reb'anon, ni karokoa e onrake te aba irouia.

Tekaria 11:7

Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Maraki 3:4

ao e na kukurei iai aia angab'ai kaain Iuta ma Ierutarem, n aron are a karaoia ngkoa n taai ake ngkoa.

Warekaia Iteraera 23:9

“I taratara rikaaki mai taubukin te Maunga ao I nooriia Iteraera, Ana aomata te Atua aika ongotaeka.

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Warekaia Iteraera 32:4

Bon taian aba aika a raoiroi uteuteia, ao ngaira a rangi ni m'aiti ara nanai ni kao, ao n tiibu,

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Ioane 17:16

Tiaki ana b'ai te aba ngaiia, n ai arou ngkai tiaki ana b'ai te aba Ngai.

Te Tua-Kaua 33:28

Kaain Iteraera, kam na maeka ma te rau; a na maunanako ami kairiribai. E na b'aka te aoi mai karawa, ao a na rangi ni m'aiti ami uita ao ami wain.