Mika 7:11 - Te B'aib'ara

¹¹ Ngkami aika kaain Ierutarem, e a roko te tai are kam a riai iai ni manga katea oon ami kaawa. E na rangi ni buubura riki abami nakon ae ngkai, ngkana e roko te tai arei.

Mika 7:11 Iomraidhean Croise

Neemia 2:17

Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Neemia 2:8

N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.

Neemia 4:3

E tei Tobia are kaain Ammon i rarikin Taneb'arata ao e taku, “Ani bon noora aron aia kateitei! Tera ae a karaoia, ngkana tao e kab'aka aia atiibu aikai te kameanti ao a b'aka naba.”

Neemia 4:6

A rangi ni m'akuri korakora aomata, ao ti a tia ni manga karaoa iteran oon Ierutarem.

Itaia 54:11

Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

Itaia 54:2

Kabuuburaa am autinrianna! Kamarangai riki beken am autinrianna; ao kabaea ni kamatoa.

Itaia 58:12

Kam na manga karaoi auti ake uoua ake a tiku n uruaki n ririki aika a bati; ao ko na kinaaki b'a te tia kateitei ngkoa ao te tia karaoa oon te kaawa ao kawain nako nuukan te kaawa.

Itaia 61:4

Ao i mwiina, ti na karaoi kaawa aika a buubura ake a tia ni uruaki i nanon rooro aika a bati.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.