Mika 6:7 - Te B'aib'ara

⁷ E koaua b'a E na kukurei te UEA ngkana I uoti nakoina tiibu aika m'aane aika ngaa, ma b'aan te oriwa ae e bure baireana? E koaua b'a N na anganna moan natiu b'a au karea ni kab'arabure?

Mika 6:7 Iomraidhean Croise

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 3:27

Ai ngaia are e a rawea natina te m'aane are te karimoa are boni ngaia are e na onea mwiina, ao e anga b'a ana karea n tiringnga i aon oon te kaawa. A aki kona moan te waaki arei Iteraera ma ngaia are, a kitana te kaawa arei n okirii mwengaia.

Iobi 29:6

A rangi ni m'aiti aia miriki au kao ma au kooti, ao a bwebwerake naba arokau taian oriwa i aon te bon ae te kabanea n ririb'a.

Taian Areru 50:9

I aki kainanoa ami kao-m'aane ke ami koti-m'aane mani neia ami man;

Taian Areru 51:16

Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 51:18

Te Atua, kaota am Atataiaomata nakon te kaawa ae Tion, ao buokiia; Manga katei nonon Ierutarem.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Itaia 1:1

Bon Itaia ngai ae natin Amota. Ao aio te rongorongo are I anganaki i bukin Iuta ao Ierutarem ngke a uea Utia, Iotam, Aati, ao Etekia i aon Iuta:

Itaia 40:16

E na bon aki tau m'aitin taiani kao ake i aon Maungan Reb'anon i bukin te angab'ai i bukin te karea nakon te Atua, ao a na bon aki tau naba m'aitin taian aroka i bukin kanaan te ai.

Ieremia 19:5

Ao a tia ni karaoa te tiriaomata ikai, ma ni kabuokiia natiia, ataei aika akea aia bure b'a aia karea nakon B'aara. I bon tuai n tuangkami b'a kam na karaoa te b'ai anne.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Etekiera 23:37

E a tia n aki kakaonimaki ngke a taromauri taiani bouannanti, ao a tia ni karaoa te bure n tiritiri ngke a karean oin natiia b'a aia angab'ai nakon taian bouannanti.

Otea 5:6

Kam anga te tiibu ma te kao b'a taiani karea nako iu, ma I a tia n tannako ma N na rawa ni kaotai.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 20:1

E tuangaki Moote iroun te UEA

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Biremon 1:12

ae I a manga kaokia nako im, ma nanou ae bane i rouna.

Tani Motiki-taeka 11:31

N na anga b'a au karea nakoim te moani b'ai ane otinako ni kawarai

Tani Motiki-taeka 11:39

Ao i mwiina, e okira tamana, ao e karaoa te b'ai are a tia ni berita iai tamana, ao e aki iein te nati arei. Ao bon anne bukina are

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.