Mika 6:5 - Te B'aib'ara

⁵ Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Mika 6:5 Iomraidhean Croise

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Taian Areru 143:11

Te UEA, Ko na kamaiuai, n ai aron am Taeka. Te Atua ae Ko raoiroi, Ko na buokai n rawaawatau!

Taian Areru 36:10

Kateimatoa tangiraia akana ataiko, ao am Nanoanga nakoia akana raoiroi.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Itaia 1:27

Ierutarem, ko na kamaiuaki ni kaotan te eti; A na maiu aomatan Tion aika a okirai ni karaoa ae e raoiroi.

Warekaia Iteraera 22:41

Ao n te ingabong are i mwiina, ao B'araka, e kaira B'araam nakon te kaawa are Bamota-b'aara. Ao e kona n nooriia tabeman Iteraera B'araam man te tabo arei.

Warekaia Iteraera 23:27

Ao e taku B'araka nakoni B'araam “Nako mai ti na kataa riki te tabo teuana. E na mena ngkoa, ao E na kariaia te UEA b'a ko na katekebuakaia Iteraera man te tabo arei.”

Warekaia Iteraera 25:1

Ao ngke a katei maeka Iteraera i Aketia, ao a wenenibure tabeman mm'aane ma ainen Moaba.

Warekaia Iteraera 25:2

Ao a kaoiia mm'aanen Iteraera aine aikai nakon taian botaki ike e anga te aba iai taiani karea nakon antiia. Ao a kang taian iriko mm'aane ake a reke man taiani karea, ao a taromauri antin Moaba.

Warekaia Iteraera 31:16

Boni ngaiia naba aika ongotaeka nakon ana babaaire B'araam ao e kaoiia ara aomata b'a a na taromauriia te anti are B'aara Beore. Ao bon anne bukina ae katuaaira iai te UEA n tiringiia ara aomata aika m'aiti.

Warekaia Iteraera 31:8

n reitaki naba ma B'araam are natin Beora, ao ai uean Miria ake niiman; Ewi, Rekem, Tura, Ura, ao Reba.

Warekaia Iteraera 33:49

Ao e a bon wenenako naba aia maeka mai Beta Ietimota nako Akatia.

I-Ebeto 2:11

Ma ngaia ae kam na ururingnga, b'a tiaki I-Iutaia ngkami ngkoa n rikimi, aika kam atongaki b'a te Aki-korotabonim'aneaki i rouia ake a atongaki b'a te korotabonim'aneaki n aroia ngke a korotabonim'aneaki ni baiia aomata;

Te Tua-Kaua 16:3

Kam na kang taian iriko ni kabane akana taiani karea i bukin te Riao n te tairiki naba anne. Ma kam na aki kamanena te kariki ae karikaki n tain te am'arake n te Riao. Kam na kamanena te aekaki ni kariki are mmani are kam kanna naba ngke tooro ngkoa ngkami aika kam karawawataaki i Aikubita, ao ngke kam nang kiitana Aikubita n te tai ae waekoa. E na riki te kariki ae mmani aei b'a kauringakimi n taai nako te bong are kam kiitana iai Aikubita. Kam na aki karaoa te kariki ae itinaki i nanon itiua te bong, i nanon bongin te Toa are te Riao, Kam na aki karaoa te kariki ae itinaki. E nanonaki raoi iai b'a a na bon akea te iti i aon Iteraera ni kabutaa.

Te Tua-Kaua 23:6

Kam na bon aki iangoa naba teutana taekan karaoan te boraraoi n raoi ma kaain Moaaba ke Ammon.

Te Tua-Kaua 8:18

Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.

Iotua 2:1

Ao Iotua e kanakoia uoman ana tib'aai ngke a kaemb'a i Titim, b'a a na tib'aaiakina aon Kanaan, ma e a moamoa riki te kaawa ae Ieriko. Ngke a roko n te kaawa, ao a nako ni kangainaa n ana auti ainen mataawa ae arana Nei Raaba.

Iotua 3:1

A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

Iotua 4:19

A ri nanon te Ioretan aomata ni katebwinan bongin te moan nam'akaina. Ao a kaemb'a i mainikun Ieriko i Kirekara

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

Tani Motiki-taeka 11:25

Ko boraoi ma B'araka are natin Tibore te m'aane? Bon uean Moaaba ngaia, ma e aki kan uneaki ma Iteraera ke ni buaka ma ngaira.

Tani Motiki-taeka 5:11

Ao ngkami naba aika taani uouoti taian ran a na tuangko taiani man aika kawakawa ni kaangai, “E a tia te UEA n reke i rouna taian tokanikai, ao ai aroia naba Iteraera.” Ao i mwiina, a m'aati ana aomata te UEA rikaaki nakoni mataroan te kaawa

1.Tamuera 12:7

Ao ngkai E na riki te UEA b'a ami tia moti. Ma ngaia are, kam na tei ao kakauongo, ngkana I kauringngkami aron te UEA ngke E aki toki ni kakamaiungkami ma ami bakatibu mairouia ami kairiribai.