Mika 6:16 - Te B'aib'ara

¹⁶ E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Mika 6:16 Iomraidhean Croise

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Rongorongo 22:4

Bon i mwiin maten tamana, ao e bure Aatia nakon te UEA ngke e a manga rineia ana koraki Aaba tabeman b'a ana riki b'a ana taan iango. Bon aia taan iango ake a karekea te b'aka aei.

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Taian Areru 1:1

E a kab'aia te aomata ae aki iri nanoia taan reirei aika buakaka, ae aki katotoong aroia taani bure ke n raoniia aomata aika akea manenaia i bukin te Atua.

Taian Areru 44:13

A noori baike Ko karaoi nakoira baronga ake a maeka i rarikira, Ao a kaenaenaira ma ni ngareakinira.

Taian Areru 44:14

Ko karikira b'a b'ainingare irouia botannaomata, Ao a ioioi atuia nakoira.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Ieremia 19:8

N na onika Ierutarem nakon te b'ariko ni m'akorokoro n atiibu, ao a na bane n tiaoki akana a rirarikina ma ni maaku ao a katoutoui atuiia.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

B'aeb'aeti 5:1

Uring baike a tia n riki nakoira te UEA. Taraira, ao noori rawawatara.

Etekiera 39:26

A na maeka ma te rau n oin abaia, ma a na mamaa ngkana a uring aia m'akuri aika a buakaka ma aroia ni kamamaaeai.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Otea 12:14

Iteraera, N na karaoiko b'a ko na kabomwi i bukin am bure aika a kakamaaku ao i bukin kamatauningaau.

Otea 5:11

E korakora manatuan Iteraera. E bon reke nakoia te b'ai ae a tangiria ma i mwiin taromaurian taian bouananti aika akea manenaia.

Mika 2:6

A manga reireiai aomata ao a kaangai, “Tai kab'arab'ara nakoira. E na bon aki kab'ainrangiira te Atua.

Mika 6:13

Ma ngaia are, I a tia ni moana uruam ma kamaunaam i bukin am bure aikai.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;