Mika 6:12 - Te B'aib'ara

¹² Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Mika 6:12 Iomraidhean Croise

Taian Areru 120:2

“Te UEA, kamaiuai mairouia taani kewe ma taani m'am'anaa te aba.”

Taian Areru 35:20

A aki taetae n i raorao; ma ti te karioi taeka ni kewe b'a taekaia ake a tatangira reken te rau.

Taian Areru 78:36

Ma bon taiani kewe aia taeka nako; Akea te koaua ni baike a taekin.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Ieremia 9:8

A taku b'a a tangira te rau, ma bon te kewe ae e kamaamate aei, ti te bo ma te kanoanikatebe ae ko teke iai ae ko aki kaantaningaia.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Otea 7:13

Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Teb'ania 1:9

N na oroia ake a taromauria anti ao ake a iraa man tiritiri i bukin karekean b'ain aia auti aia toka ni b'ai-ni-iraa.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

M'akuri 24:9

A buoka naba are e taekinna Tereturo I-Iutaia, ni kakoauai baike e taekin.

I-Rom 3:13

Ai aron te rua ni mate ae uki buuaia; A m'am'anaa te aba n neweia; Ao riaia a atongi taeka aika kamamate, aika ai aron aia b'ai ni kamamate naeta.