Mika 6:10 - Te B'aib'ara

¹⁰ Iai te kaub'ai ae e reke n te babakanikawai i nanon aia auti aomata aika a buakaka. A kamanenai b'aai ni baire aika a kaairua, ao bon aikai baika I bati n ribaai.

Mika 6:10 Iomraidhean Croise

Taeka n Rabakau 10:2

Bon akea buokam ae e na anganiko b'aai akana kam karekei mani karaoan m'akuri aika a buakaka, ma karaoan ae e raoiroi e na boni konaa ni kamaiuko man te mate.

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Taeka n Rabakau 20:10

Uoua b'aai aika e ribai te UEA b'a te kainikatine ae e kewe ao te kai ni baaire ae e kewe.

Taeka n Rabakau 20:23

E ribaai taian kainikatine aika a aki eti ao taian rawaawata aika a aki eti te UEA. Ma ngaia ae, tai baabakanikawai!

Taeka n Rabakau 21:6

Bon te mii ae e nanobaba karekean te kaub'ai man te aonikai kaanga ai aron te bakabure.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Amota 3:9

Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

Mika 6:9

E wanawana ane e maaka te UEA. E wetea te kaawa ni kaangai, “Kam na ongora ngkami aomata aika kam bootaki i nanon te kaawa!

Teb'ania 1:9

N na oroia ake a taromauria anti ao ake a iraa man tiritiri i bukin karekean b'ain aia auti aia toka ni b'ai-ni-iraa.

Tekaria 5:6

Ao I kaeka ni kaangai, “I aki ataia b'a tera,” Ao e taku, “Bon te b'atiketi. E kaotia b'a tera ae inanoia aomata nako aika n te aba.”

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)