Mika 5:8 - Te B'aib'ara

⁸ A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Mika 5:8 Iomraidhean Croise

Karikani B'aai 49:9

Bon te raian ngkoe Iuta, E tiringiia konana, ao e uotia nakon b'angana, E aroria ni wene. Bon akea ae kona n aki karaua.

Taian Areru 104:20

Ko karika te roo, ao a bane n oti nako manin buakonikai n te bong.

Taian Areru 44:5

ao ti tokanikai i aoia aiara ni m'aakam.

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Taeka n Rabakau 30:30

Taian raian aika a aki konaa ni maaku aika a tautaekana te buakonikai,

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Etekiera 39:10

A na kabuoki taian b'ai ni buaka aikai n onea mwiin te kai ke kaai ake a na korokoroi man aroka ake a na kab'akai. Ao anne aroia Iteraera ni katae aia kai irouia ake a aki toki ni kikimoaia ma ni kabuakakaia. Bon aei Au taeka Ngai ae te UEA.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Mika 2:12

Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 10:5

A na ira te buaka, ao a na kaai naba ni kamanatuaia aia kairiribai kaanga te bokaboka. A na buaka, i bukina ngkai N na tei n aia itera Ngai ae te UEA. Ao a na kamanatua aia taanga ni buaka aia kairiribai ake taani buaka mai aoia aoti.

Tekaria 11:6

Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

Tekaria 14:18

Ngkana a rawa kaain Aikubita ni bukamarua te Toa ae M'aanga ni kaai, ao ana manga oreaki n te aeka n aoraki are e na kanakoa te UEA nako ia aomata ni kabane ake a rawa nako.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Maraki 4:3

Ma ngkami aika kam buakaka, ngkana I karokoa te motikitaeka ae eti, ao kam na manatua kaanga taian mannang i aan te wae. Bon aei au taeka Ngai ae te UEA ae Moan te M'aaka!

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

Mataio 10:14

Ao ngkana akea temanna i buakoia ae m'aneingkami n akoingkami, ke e aki ongo ami taeka, ao kam na taei bubun aontano mai waemi ngkana kam kitana te kawa are ab'ab'aki arei, b'a kaotan ae kam a rawa mai rouia.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;