Mika 5:6 - Te B'aib'ara

⁶ A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Mika 5:6 Iomraidhean Croise

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

1.Rongorongo 1:10

Itiobia bon taman naba Nimrota, are te moan tia buaka ae e korakora n te aonnaba.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Iobi 29:22

Bon akea riki te b'ai ae a na manga taekinna ngkana a bane au taeka. A timtim au taeka i aoia kaanga b'akan te karau i aon te tano ae m'au.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 37:37

Ao i mwiin anne, ao e a oki te uea are Tennakeriba nako Aturia ao e maeka n te kaawa are e buubura are Ninewe.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Naum 2:11

E a ngaa ngkai te kaawa are e ab'ab'aki are kaanga ai aron ooia raian, are te tabo ike a kakaam'arakeaki iai raian ataei, ike a nakonako iai te raian m'aane ma te raian aine, ao a mano raoi iai buniia?

Teb'ania 2:13

E na kam'akura m'akana te UEA ni kamaunaia i Aturia. E na karika kaawan Ninewe b'a te tabo ae akea te maiu iai, te rereua ae akea te ran iai.

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Ruka 1:71

B'a ti na kamaiuaki mairouia aiara, ao mai nanoni baiia te koraki ake a ribaira;

Ruka 1:74

B'a E na kamaiura mai nanoni baiia ara kairiribai, ao ti na toro i Rouna ma te aki maaku,

Ruka 24:27

Ao E kaotai nako ia nanon taeka ake a koreaki ni m'akoroni booki n te B'aib'ara, ake a kaeti nako Ina b'a taekana, ao E moanna man ana boki Moote ma aia boki burabeti.

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.