Mika 5:2 - Te B'aib'ara

² E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mika 5:2 Iomraidhean Croise

Karikani B'aai 35:16

Ao a kitana Betaera Iakob'a ma ana utu, ao ngke a kaan roko i Eberata, ao e a mamaraki Nei Rakera b'a e nangi bung, ao e uabuaka bungina.

Karikani B'aai 35:19

Ngke e mate Nei Rakera, ao e taunaki i rarikin te kawai nako Eberata, ae ataaki ngkai n arana ae Betereem.

Karikani B'aai 48:7

I karaoa aei i bukin tinam are Nei Rakera. I rangi n rawaawata ngke e mate n te aba are Kanaan, ni uakaan ma Eberata, ngke I tabe n oki mai Metobotamia. Ao I a taunna i rarikin te kawai nako Eberata.”

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

1.Rongorongo 2:54

E tekateka Tarema n te kaawa are Betereem ao boni ngaia aia bakatibu kaain Netobata, kaain Aterobeta Ioaba, ao iteran te kaainga are Manate, ao kaain Tora.

1.Rongorongo 4:4

Natin Etam m'aane bon Ietireera, Itima, ao Itebati, ao natina te aine bon Nei Aterereboni. E tekateka Benuera n te kaawa are Ketora, ao e tekateka Etera n te kaawa are Utia.

1.Rongorongo 5:2

e ngae ngke bon te baronga are Iuta ae te kabanea ni korakora mani kakarekeaki te tia kairiiri mai iai.

Taian Areru 132:6

Ngke ti mena i Eberata, ti ongo taekan te Atiniberita ae e mena n te tabo teuana n uakaan ma Iaara.

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Te Otinako 18:25

ao e rineia mm'aane aika konab'ai mai buakoia Iteraera. E rineia tabeman b'a taani kairiiri i bukiia tengaa, ao tabeman i bukiia tebubua, ao tabeman i bukiia nimangaun, ao tabeman i bukiia tengaun.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 55:4

I karikia b'a te tia kairiiri ao te tia tautaeka i aoia botannaomata nako; ao bon ngaia au tia kakoaua nakoia.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ruka 23:38

Iai te koroboki i etana ae e kangai, “Aei Aia Uea I-Iutaia.”

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”

Te Tua-Kaua 1:15

Ao i mwiina, I anaia m'aane akanne, ao I rineia b'a ami tia kairiiri. Tabeman mai buakoia a riki b'a mataniwi n tautia i bukiia teuana tengaa te tautia, tabeman, i bukiia tebubua te tautia, tabeman, i bukiia nimangaun te tautia, ao tabeman, i bukiia tengaun te tautia.

I-Korote 1:17

Iai Ngaia i m'aini b'aai ni kabane, ao a nako raoi aroni b'aai ni kabane n reitaki i Rouna.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Ebera 7:14

B'a E bon ataaki ara Uea b'a E riki man te baronga are Iuta, ae akea taekana irouni Moote ngke e taekinia ibonga.

1.Ioane 1:1

Te baere iai ma ngke a tuai ni karikaki b'aai, are ti ongo, are ti noria ni matara, are ti tarataraia, are a riingnga naba baira, ae taekan te Taeka are te maiu,

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Tani Motiki-taeka 17:7

Ao n te tai teuana, ao e a roko temanna te rorobuaka n ataei man te baronga are Rewi nakon ana auti Mika n aaba ake a tabukibuki i abaia kaain Eberaim. E a bon tia n tiku iroun temanna kaain te kaainga are Iuta i Betereem, ma e a manga kiitana Betereem ni kakaaea te tabo ae boou are na maeka iai.

Ruuta 1:1

E roko te rongo i aon Iteraera ni bong ake ngkoa, i m'ain reken ueana. Ma ngaia are, e m'ananga te m'aane ae arana Erimereka ae kaain te baronga ae Eberata i Betereem i Iuta,

Ruuta 4:11

Ao a taku taani kairiiri ma ake a roko, “Eng, bon taani kakoaua ngaira, ke E karika buum te Uea, b'a kanga ai aron Rakera ma Reea, ake a kariki natin Iakob'a aika a bati. Ke e reke arom ae riai i Eberata, ao kakannatom i Betereem.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 17:12

Ao e a kara taman Tawita are Iete, are kaain te kaainga are Eberata are maeka i Betereem i Iuta. Bon waniman natin Iete m'aane:

1.Tamuera 17:18

Ao aikai tebwina taian tiiti ae ko na uoti nakon mataniwiia taani buaka. Ao ongora b'a tera aroia tarim ao n uota rikaaki te b'ai ae kanikinaea aroia b'a uara.

1.Tamuera 23:23

Kakaaea raoi te tabo are e boni karabaa iai, ao kakoauaa raoi b'a kam na kaongoai raoi rongorongona ni kabane. Ao i mwiina, N na iringkami, ao ngkana e bon mena n te aono anne, N na kam'anea, e aoria ngkana N na kakaaea ni kabutaa aon aban Iuta ni kabane.”

1.Tamuera 8:12

Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.