Mika 4:9 - Te B'aib'ara

⁹ E aera ngkai ko tangi n takaarua? E aera ngkai ko maraki n ai aron te aine ae ariri? Tiaki i bukina ngkai a akea am uea? Tiaki i bukina ngkae a mate am tia iango?

Mika 4:9 Iomraidhean Croise

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 26:17

Ti maraki n ai aron te aine ae e nang bung i bukin te b'ai are ko a tia ni karaoia nakoira.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 4:21

Maan ra riki au tai n noora aia buraeki kairiribai ma n ongo tangin aia bu?

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 50:43

E a kaman tia n ongo ami uea taekan te taanga ni buaka aei, e a tia ni mamaara n te maaku; e minominotaki ma n rairaki ma te maraki kaanga te aine ae e bungia natina.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Otea 10:3

Ane kam na kaangai, “Akea ara uea. Ti aki maaka te UEA. Tera manenan te uea?”

Otea 13:13

Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

Te Kaotioti 12:2

E bikoukou neierei; ao e tangi n takarua ngke e ariri, b'a e nangi bung.