Mika 4:5 - Te B'aib'ara

⁵ A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Mika 4:5 Iomraidhean Croise

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

2.Uea 17:29

Ma a katei baangotan oin antiia koraki aika a kakaokoro n tatabeua nako ni kabutaa aon Iteraera, ao i mwiina, a manga katei bouananti aikanne ni nnen aia baangota Iteraera.

2.Uea 17:34

A bane aomata ni irii aia katei nikawai. Bon akea temanna ae e taromauria te UEA n ti Ngaia, ao rawa ni iri nanon taian tua ao babaaire ake E a tia n anga nakoia ana kariki Iakob'a, are E aranna b'a Iteraera.

Taian Areru 20:6

I a ataia ngkai b'a te UEA e na bon anga te tokanikai nakoia ana king ake E a tia n rineia; E na kaekaa man ana karawa are Tabu, ao E na buokiia ni kakatokanikaia ni m'aakana.

Taian Areru 48:14

Aio aron Atuara n aki toki; E na kairirira n taai nako.

Taian Areru 71:16

N na nako ni korakoran te Atua ae te UEA; N na tataekina taekan am M'akuri aika raraoi, aika ti am M'akuri.

Itaia 2:5

Kaain Iteraera, ti na maiu n ootan te UEA.

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

Te Tua-Kaua 27:10

Ma ngaia are kam riai n ongotaeka nakon tuua aika I anganingkami.

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”