Mika 4:4 - Te B'aib'ara

⁴ E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.

Mika 4:4 Iomraidhean Croise

1.Uea 4:25

I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

Iobi 11:19

Ko na aki maakuia am kairiribai; a na m'aiti aomata aika na bubuti buokaia mairoum.

Taian Areru 72:3

E bia roko marin aon te aba, ao e bia namakinaki te kaetitaeka ae eti.

Taeka n Rabakau 3:25

Ma ngaia ae, ko na aki maaku n taiani kabuanib'ai aika a karina ke taian angibuaka aika a na oroia aika a buakaka.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 17:2

E na tiku n rereua kaawa aika a uarereke ake i rarikin Aroera, ma ti temanna te tiibu n tiku ikekei ao akea ae e tabeakinna.

Itaia 22:25

E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 36:16

Katoka ongoraami iroun Etekia. Ongora iroun au uea. Ane e na kaawakin nnen arokami kureebe, arokami biiku, ao ami tabo n ran

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 54:14

Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

Itaia 58:14

Ao ane kam na karekea raoi iai kakukurein ataakin te UEA. E na tautaekaningkami man te maunga ake taiani kabanea n rietaata ao ni kakab'aiaingkami n aban ami bakatibu are Iakob'a. Ngai te UEA ae I taetae!

Ieremia 23:4

I berita b'a N na kakaaeia taani kairiiri aika a na tararuaia kaanga taani kaawakintiibu ni koaua. A na bane ni mena au aomata ikekei, ao a na aki manga maaku n te b'ai teuana.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Etekiera 34:25

Bon Au tiibu te botannaomata ae Iteraera, ao I karaoa Au berita ae e matoa b'a a na maeka ma te rau. N na kakionakoia maan aika a aki manana man te rereua ao te buakonikai, b'a aonga n aki maaku Au tiibu.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 38:11

b'a ane ko na aonikaia Iteraera, te kaawa ae e mamaara ae e rau ike a maeka iai aomata ma te kaawakinaki raoi i nanon taian kaawa aika akea ooia ke mataroaia ke rokaia.

Etekiera 39:26

A na maeka ma te rau n oin abaia, ma a na mamaa ngkana a uring aia m'akuri aika a buakaka ma aroia ni kamamaaeai.

Nakoaia Ibonga 26:6

N na kakab'aiaa abami ma te rau, ao kam na motirawa ma te aki maaku. N na oroi ni kanakoi man aika kawakawa aika a kaakang,

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Teb'ania 3:13

Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.

Tekaria 3:10

Ao kam na maeka ma te rau ngkami n tatabemaningkami nako ao kam na kakukureia raoraomi n oin ami nne ni kureebe ao i aan oin arokami taiani biiku.