Mika 4:2 - Te B'aib'ara

² Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Mika 4:2 Iomraidhean Croise

Taian Areru 110:2

Ane E na karababaa nako m'aakam n uea te UEA mai Tion. Ko na tautaeka i aoia am Kairiribai.

Taian Areru 119:1

A kab'aia akana a moa n raoiroi aroia, akana ongeaba nakon ana Tua te UEA.

Taian Areru 119:171

N na aki toki ni katituaraoiko, ngkai Ko reireiai am Tua.

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 54:13

N na reireiniia natimi ao N na karaoia b'a a na teetekeraoi.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 42:3

Buubutia te UEA b'a E na tuangiira b'a ia ae E tangirira b'a ti na nako iai ao tera te b'ai ae E tangiria b'a ti na karaoia.”

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Tekaria 14:16

Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

Mareko 16:20

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 6:45

E koreaki irouia burabeti ae kaangai, ‘A na bane aomata nako n reireiaki iroun te Atua. E riki b'a au reirei te aomata ane ongo ma n reirei iroun te Tama.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 13:42

Ngke a oti nako B'auro ma B'arenaba man te m'aneaba, ao a butiaki irouia aomata b'a a na manga taekin riki aia taeka akekei nakoia n te Taabati are i mwina.

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

Te Tua-Kaua 6:1

E tuangai te UEA b'a N na anganingkami tuua ma reirei aikai, ma ngaia are, kam kona n ongotaeka iai n te aba are E anganingkami. Ai ti teutana riki te tai ao kam nang ri nanon te Karaanga are te Ioretan ma n taua te aba.