Mika 4:13 - Te B'aib'ara

¹³ E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Mika 4:13 Iomraidhean Croise

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 68:29

man am Tembora are i Ierutarem, ike a roko iai uea n uoti nakoim b'aai n tituaraoi

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Itaia 18:7

A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.

Itaia 21:10

Ao i mwiina, I a kaangai, “Au aomata, kam a tia n rangi n rawaawata, ma iai au rongorongo nakoimi mai roun te UEA ae Moan te M'aaka, ae Atuan Iteraera.”

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 5:28

A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

Ieremia 51:20

Kaain B'aburon, bon Au aama ngkami; I kamanenaingkami n oroia botannaomata nako ma n urui taian abanuea,

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Otea 10:11

Ngkai Ko a tia n ongotaeka ngkoa kaanga te kao te ataei are e kukurei ni manga kaaki kunin te uita. Ma N na kaaki te b'ai n toka i aon roroam ae e korakora; ao ko na kaai ni kamaraua te tano ngkoe ma Iuta ma n unika te tano.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Ab'akuka 3:12

Ko m'ananga ri aon te aba ma te bononnano Ko toutouia botannaomata n unim

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 4:14

Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki are e tei i rarikin te UEA n te aonnaba ni kabane.”

Tekaria 6:5

Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

Te Tua-Kaua 33:25

ao a na reke mataroan am kaawa aika matoatoa aika te buraonti ao te biti b'autiia. A na korakora ami aomata ni kabane bongin maiuia.

Iotua 6:19

A na kaokoroaki b'aai ni kabane akana a karaoaki man te tirewa, te koora, te buraonti, ao te biti, b'a ana b'ai te Atua. A na kaawakinaki ni nnen ana b'ai te UEA.”