Mika 3:8 - Te B'aib'ara

⁸ Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Mika 3:8 Iomraidhean Croise

Iobi 32:18

I a kainano n tataninga te tai are N na taetae iai, e a aki kona n tautaua wiiu.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Ieremia 20:9

N taai tabetai ao I taetae bon i nanou b'a N na aki manga oki n iangoiko te UEA, ke n atoatonga aram. Ma a ura am taeka i nanou ma riiu, ao I a aki konaa ni kainab'aabu.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

Etekiera 16:2

Etekiera ae natin te aomata, ko na kauringiia kaain Ierutarem i bukin aia bure aika a rangi n ribaaki

Etekiera 20:4

Ko tangiria ni kauringiia, Etekiera? Ao kauringiia n aia bure aika a rangi n ribaaki ake a karaoi aia bakatibu.

Etekiera 22:2

Etekiera ae natin te aomata, ko tauraoi ni kabuakaka Ierutarem? E onrake te kawa arei irouia taan tiritiri, ma ngaia ae ko na kauringiia aomata n aia bure nako

Etekiera 23:36

E taku te UEA: Etekiera, ae natin te aomata, e a roko te tai are ko a riai n tuanga iai Nei Oora ao Nei Oorib'a b'a a bure. Ko na kauringiia i bukin maiuia aika a buakaka!

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Etekiera 43:10

E riai ni katuaeaki n te mamaa Iteraera i bukin karaoan te bure nako iu, ma ngaia are, kona tuangiia taekan au Tembora are e tabu. Kariaia b'a a na iangoia,

Mataio 7:29

E reireiia n ai aron ae m'aaka ao tiaki n ai aroia aia taani koroboki.

Mareko 3:17

ao Iakobo ma tarina are Ioane ake natin Tebetaio (E araniia b'a Boanereke, ae nanona, natin te baa-ni-karawa).

1.I-Korinto 2:4

Ngke I taetae ma ngkami, ao ngke I taekina te euangkerio, ao I aki kani kaotai b'a aongkoa I rabakau n taetae; ma I angan Tamnein te Atua b'a E na kaota m'aakana.