Mika 3:7 - Te B'aib'ara

⁷ A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Mika 3:7 Iomraidhean Croise

Taian Areru 74:9

Akea kanikina aika kamimii aika ti noori; akea nikiraia burabeti n tiku; Ao akea temanna ae ataa maanin tain te aro aio.

Te Otinako 9:11

Ao a aki konaa n roko taan tabunea i matan Moote, b'a a onrake n taian kaboa, n ai aroia naba kaain Aikubita ake te korakina.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:22

Ao i mwiina, kam na karaoa naba te b'ai are I tia ni karaoia. Kam na aki kanakoi rabunan matami ao kam na rawa ni kana te am'arake are e kaakanaki irouia taan tanginiwenei.

Nakoaia Ibonga 13:45

E na riai ni b'ainna te aomata ae e iai i rouna aorakin te kun n te kunnikai ae e raeraeaki, ao e na aki koom'a irana, e na rabuna ubuna are mai nano, ao e na tatakarua ni kaangai, “I kam'araa! I kam'araa!”

Amota 8:11

E a roko te tai are N na karokoa iai te rongo i aon te aba. A na baki aomata ma tiaki i bukin tangiran te am'arake. A na taka naba ma tiaki i bukin tangiran te ran. Ma a na baki ma n taka i bukin tangiran Ana taeka te UEA ae rietaata.

Mika 3:4

E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Mika 7:16

A na noora korakoram ni baikai botannaomata, ao a na ataia iai b'a a bon aki koro bukin aia iango. A na kaini wiia, ao a na bonoti taningaia.

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

1.Tamuera 14:37

Ao Tauro, e titirakina te UEA ni kaangai, “Ti na buakaniia kaain Biritia? Ko na buokiira ni katokanikaira?” Ma E a aki kaekaia te Atua n te tai aei.

1.Tamuera 28:15

Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 9:9

Ao e kaeka Tauro, “E nang tamaroa! Ti a nako n noora te aomata ae kakaoti nako ina te kaotioti!”