Mika 3:6 - Te B'aib'ara

⁶ “Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Mika 3:6 Iomraidhean Croise

Taian Areru 74:9

Akea kanikina aika kamimii aika ti noori; akea nikiraia burabeti n tiku; Ao akea temanna ae ataa maanin tain te aro aio.

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 15:9

E rawaawata nanon te tina ao e nikobuaka. A tia n onikaki ana bong aika a oota nakon te rootongitong i bukin mateia natina mm'aane aika a itiman. N na tiringiia ni kabane taian nikira ni maiu. Bon aei au taeka Ngai ae te UEA.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 7:26

Ane a na okioki te waaki aei, ao ane kam na ongo te rongorongo ae e aki kakukurei. A na buubutia te burabeti aomata b'a e na kaongoraaia au rongorongo. A na toki ni kab'arab'araa au Tua ibonga, ao a na aki konaa naba n anga taeka n reirei taan iango.

Amota 8:11

E a roko te tai are N na karokoa iai te rongo i aon te aba. A na baki aomata ma tiaki i bukin tangiran te am'arake. A na taka naba ma tiaki i bukin tangiran te ran. Ma a na baki ma n taka i bukin tangiran Ana taeka te UEA ae rietaata.

Mika 2:6

A manga reireiai aomata ao a kaangai, “Tai kab'arab'ara nakoira. E na bon aki kab'ainrangiira te Atua.