Mika 2:8 - Te B'aib'ara

⁸ E kaekaia te UEA, “Kam buakaniia au Aomata n ai aroia kairiribai. A taku m'aane tabem'aang b'a a maiu b'a a okirii mwengaia ma te rau, i mwiin buakaia ma aia kairiribai. Ma ngaia ko a manga anai aia kunnikai b'a kakoaua i bukin aia taarau iroum.

Mika 2:8 Iomraidhean Croise

2.Tamuera 20:19

Bon Iteraera ngaira, ao ti tangira te rau! Ti rangi ni kakaonimaki ni b'aai nako. Ao e aera ngkai ko tangiria n urua te kaawa ae ti te bo ma te tina nakon Iteraera? E aera ngkai ko tangiria ni kamaunaiia Ana aomata te UEA?”

Taian Areru 55:20

E ekianako nako raoraona teuare raou; E urua ana boraraoi.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 12:8

A manga rairaki ni kaaitaraai Au aomata ao a bekorara nako iu kaanga raian. Bon anne te b'ai ae I ribaia.

Mika 3:2

ma ngaia kam tangira te bure ao kam riba te raoiroi. Kam kuoti kuniia au Aomata ngke a boni maiu, ao kam taeki irikoia man riia.

Mika 3:3

Kam kaniia au aomata, kam kanakoi kuniia, kam otoi riia ao kam korokoroia nako nanon te b'aata kaanga taian iriko maiu.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia