Mika 2:4 - Te B'aib'ara

⁴ Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Mika 2:4 Iomraidhean Croise

2.Tamuera 1:17

Ao e anenea te anene aei Tawita b'a kanuringan Tauro ao Ionatan,

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Iobi 27:1

Ao e taku Iobi,

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 24:3

E na kanakoaki ni kakeaaki te aonnaba ao e na tiku n aron anne. Bon anne ana berita te UEA.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

Etekiera 16:44

Ana tataekina te taeka ae e kaangai aomata i bukim ngkoe ae Ierutarem: “Ngkana e buakaka te tina ao e na bon buakaka naba natina te aine.”

Etekiera 2:10

E kauka te niira ni boki te bai arei, ao e kanoaki iterana ake uoua n taekan te kananokawaki, te tang ao te rawaawata.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 1:8

Kam na nanokawaki kaanga te ateiaine ae e tang i bukin buuna ae e a tib'a mare ma ngaia.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Amota 5:17

E na bane n tang te aba i nanon nne n aroka. A na bane n riki aikai i bukina b'a N na bon roko ni katuuaingkami. Bon ana taeka te UEA.

Mika 1:15

E na karokoia kairiribai te UEA iroumi b'a a na taua ami kaawa ngkami aika kaain Maretia. A na nako ni karabaia taani kairiiri aika a kakannato mai Iteraera n te nangananga ni b'aa are i Aruram.

Mika 1:8

E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Ab'akuka 2:6

Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Teb'ania 1:2

E taku te UEA, “N nang kamaunai b'aai ni kabane aika i aon te aba,

Warekaia Iteraera 23:18

Ao e kaeka B'araam ao e taku: “Kakauongo raoi nakon au taeka.

Warekaia Iteraera 23:7

Ao e taku B'araam: E kairai te uea are B'araka are ueani Moaba man tabukin Tiria b'a n na katekebuakaia Iteraera ma ni katanoata b'akana.

Warekaia Iteraera 24:15

Ao e taku B'araam: “Bon natin Beora te mm'aane ngai, ao a koaua au taeka aikai, ma ngaia are, ongora raoi n au rongorongo!

Warekaia Iteraera 24:3

ao e taku, “Bon natin Beore te mm'aane ngai, ao a boni koaua au taeka, ma ngaia are, kam na ongora n au rongorongo!

Mareko 12:12

Ao aia mataniwi I-Iutaia a kakaea angan tauan Iesu b'a a na kaburea, b'a a ataia ae E ekiianako n te taeka ni kabotau aei; ma a makuia aomata, ma ngaia are a kitanna ao a nako.

Te Tua-Kaua 28:29

n te aro are kam na riki b'a aomata aika matakii aika kakaaenako baiia e ngae ngkana e a kiro te tawanou, ao a aki kona naba n ataia b'a e a bong ke a ngaina. A na oroingkami ma ni kimoai ami b'ai aomata ni kabane bongin maiumi, ao bon akea ae na kona ni katokiia.